24.11.2025

Гаворым пра бяспеку

Атрыманне новых ведаў адыгрывае ключавую ролю ў жыцці кожнага чалавека і валодае велізарнай каштоўнасцю. Асаблівая ўвага ў гэтым працэсе надаецца вывучэнню пытанняў бяспекі жыццядзейнасці, так як уменне распазнаваць патэнцыйныя небяспекі, ведаць правілы паводзін пры пагрозах і паспяхова прымяняць іх на практыцы дапамагае захоўваць жыццё і здароўе.

Так, у сярэдняй школе і дзіцячым садзе размешчаных у аграгарадку Калінаўка Дубровенскага раёна інспектар сектара прапаганды і ўзаемадзеяння з грамадскасцю, Павел Раманюк правёў урокі бяспекі са школьнікамі і дашкалятамі. Асноўнай задачай сустрэчы было правядзенне тэматычных урокаў па пытаннях бяспекі. У рамках мерапрыемства работнік МНС падрабязна патлумачыў выхаванцам важнасць выканання правілаў пажарнай бяспекі і пазнаёміў іх з правільнымі дзеяннямі пры ўзнікненні пажару або іншых надзвычайных сітуацый. Выхаванцы прынялі ўдзел у практычных занятках па выкліку службы выратавання, паўтарылі алгарытм дзеянняў пры пажары, каб быць гатовымі да магчымых надзвычайных сітуацый і ўмець правільна рэагаваць у экстраных выпадках.

У завяршэнне сустрэчы Павел Раманюк, падтрымліваючы існуючую традыцыю, уручыў дзецям наглядныя матэрыялы па бяспецы, яшчэ раз падкрэсліўшы, што бяспека кожнага з нас у першую чаргу залежыць ад асабістай адказнасці і правільных дзеянняў.

Набыццё падобных практычных навыкаў у любым узросце вельмі важна, паколькі фармуе ў дзяцей свядомае стаўленне да ўласнай бяспекі і вучыць іх быць гатовымі да непрадбачаных сітуацый.

У выпадку надзвычайнай сітуацыі тэлефанаваць па нумары 101 або 112!

dubrovno.by