17.07.2020

Дзяржаўны сакратар Саюзнай дзяржавы Рыгор Рапота наведаў Дубровенскі раён

 

У мерапрыемствах XXIX Міжнароднага фестывалю мастацтваў «Славянскі базар у Віцебску» прыме ўдзел Дзяржаўны сакратар Саюзнай дзяржавы Рыгор Рапота.

Яго візіт у Віцебскую вобласць пачаўся з наведвання Аршанскага раёна і Дубровеншчыны.

У Дуброўне Рыгор Аляксеевіч Рапота азнаёміўся з работай ААТ «Дубровенскі льнозавод». Госця падрабязна пазнаёмілі з тэхналагічным ланцужком атрымання ільновалакна. З гісторыяй развіцця льнаводства на Дубровеншчыне, дасягненнямі, тэхнічнай аснашчанасцю і планамі развіцця прадпрыемства.

Затым дэлегацыя наведала мемарыяльны комплекс «Рыленкі», пазнаёміліся з гісторыяй вызвалення Дубровенскага раёна ад нямецка-фашысцкіх захопнікаў, ўсклалі кветкі да мемарыяльных пліт братняга пахавання.