10.12.2025

Дуброўна. Гаворым пра бяспеку

У рамках шырокамаштабнай інфармацыйнай кампаніі сярод насельніцтва аб эфектыўнасці выкарыстання АПА начальнік Дубровенскага раённага аддзела па надзвычайных сітуацыях Максім Куляшоў пагутарыў на тэму бяспекі з супрацоўнікамі цэнтральнай раённай бальніцы.

Выступленне пачалося з прадстаўлення актуальнай інфармацыі аб пажарах і звязаных з імі выпадках гібелі людзей, уключаючы апошнія здарэнні. Максім Куляшоў надаў асаблівую ўвагу асноўным прычынам узнікнення пажараў і нагадаў прысутным аб правільных паводзінах у надзвычайных сітуацыях. Затым ён падрабязна распавёў аб прынцыпах работы і правілах выкарыстання вогнетушыцеля — аднаго з базавых сродкаў для першаснага тушэння агню.

Падчас свайго выступу прадстаўнік МНС настойліва рэкамендаваў усталяваць у жылых памяшканнях аўтаномныя пажарныя апавяшчальнікі.

- Гэтыя прылады пры ўзнікненні пажару падаюць гучны гукавы сігнал, папярэджваючы не толькі самога жыхара, але і суседзяў, што значна павышае верагоднасць своечасовага рэагавання і прадухілення трагічных наступстваў, – адзначыў Максім Куляшоў.

Усе прысутныя атрымалі магчымасць задаць начальніку Дубровенскага раённага аддзела па надзвычайных сітуацыях цікавячыя іх пытанні, што спрыяла больш глыбокаму разуменню мер бяспекі, а ў завяршэнне сустрэчы ўдзельнікам выдалі наглядна-выяўленчую прадукцыю з карыснай інфармацыяй аб мерах засцярогі і дзеяннях у экстранных сітуацыях.

У выпадку надзвычайнай сітуацыі тэлефанаваць па нумары 101 або 112!

dubrovno.by