16.03.2026

Дубровенцы далучыліся да агульнарэспубліканскіх мерапрыемстваў да Дня Канстытуцыі

Напярэдадні Дня Канстытуцыі Рэспублікі Беларусь на Дубровеншчыне прайшло маштабнае свята "Ад пакалення да пакалення: разам будуем будучыню". У цэнтры дзяцей і моладзі г. Дуброўна адбыўся ўрачысты прыём у акцябраты, піянеры, члены БРСМ і РГА "Белая Русь".

Марафон сталення пачалі першакласнікі школ раёна, якім прымацавалі прамяністыя зорачкі. Кранальны момант надышоў для старэйшых піянераў: апошні раз для іх прагучаў піянерскі заклік "Будзь гатовы!" - і адбылася цырымонія развітання з піянерскім гальштукам. Затым ім уручылі квіткі членаў РГА БРСМ. Завяршыўся марафон сталення ўступленнем маладых людзей у шэрагі РГА "Белая Русь".

- Унікальнасць усіх мерапрыемстваў заключаецца ў тым, што праз іх рознаўзроставую аўдыторыю прасочваецца шлях грамадзянскага станаўлення чалавека. У гэты дзень малодшыя школьнікі сталі акцябратамі, акцябраты папоўнілі шэрагі БРПА, піянеры зрабілі крок у БРСМ, а актывісты Саюза моладзі працягнуць свой шлях, уступаючы ў "Белую Русь". Гэта і ёсць сацыяльнае і грамадзянскае сталенне, - падкрэсліла намеснік старшыні райвыканкама Святлана Рыжанская на прыёме ў БРПА.

- Усе мерапрыемствы - гэта канстатацыя факту, што незалежна ад узросту кожны - частка беларускага грамадства - важная і неад'емная. З узростам расце ўсведамленне адказнасці перад мінулым краіны за будучыню нашага грамадства. А дата правядзення - напярэдадні Дня Канстытуцыі падкрэслівае непарыўную сувязь правоў і абавязкаў маладых грамадзян з лёсам сваёй краіны, - адзначыла старшыня РГА "Белая Русь" Наталля Калеснікава, звяртаючыся да зноў уступіўшых ў шэрагі арганізацыі.

dubrovno.by