13.08.2025

Дубровенцы далучыліся да акцыі "У школу з добрым сэрцам"

Апошні месяц лета настойліва нагадвае, што не за гарамі пачатак навучальнага года, у бацькоў застаецца ўсё менш часу, каб падрыхтаваць усё неабходнае дзецям для наведвання навучальных устаноў і заняткаў дадатковай адукацыі.

Для максімальнага забеспячэння ўсім дзеткам роўных умоў падрыхтоўкі да школы ў краіне дадзены старт рэспубліканскай дабрачыннай акцыі "У школу з добрым сэрцам". Па ўсёй краіне валанцёры руху "Добрае сэрца" арганізуюць у гандлёвых цэнтрах, крамах, грамадскіх месцах з вялікай праходнасцю, тэрытарыяльных камітэтах саюза моладзі пункты збору канцылярскіх і спартыўных прылад, навучальных дапаможнікаў, школьнага адзення, абутку і іншых неабходных рэчаў.

Пункты збору будуць працаваць да 10 верасня. Па меры паступлення неабходных рэчаў яны будуць перададзеныя маючым патрэбу шматдзетным, няпоўным сем'ям, а таксама сем'ям, якія трапілі ў складаную жыццёвую сітуацыю, якія перажываюць цяжкасці пры зборы школьных прылад, і дзіцячым інтэрнатным установам, над якімі шэфствуюць валанцёрскія атрады руху "Добрае сэрца".

Да дабрачыннага руху напярэдадні навучальнага года падключаюцца ўсе працоўныя калектывы, прафсаюзы і грамадскія арганізацыі. У Дубровенскім раёне арганізавана работа па забеспячэнні шматдзетных сем'яў гуманітарнай дапамогай у выглядзе прадуктаў для дзіцячага харчавання, сабранай Віцебскай раённай арганізацыяй Беларускага таварыства Чырвонага Крыжа.

Спецыялісты ТЦСАН Дубровенскага раёна і старшыня РА БТЧК Ніна Ганчарова дапамагаюць сем'ям у афармленні заяў на аказанне матэрыяльнай дапамогі да новага навучальнага года. Гэта дазваляе аператыўна ахапіць больш сем'яў і дапамагчы тым, хто жыве ў аддаленых населеных пунктах раёна.

dubrovno.by