07.05.2026

Дубровенцы прынялі ўдзел у акцыі "Беларусь сінявокая"

Пад эгідай Мінпрыроды і Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь з 22 па 28 красавіка праходзіла акцыя "Беларусь сінявокая".

Мерапрыемствы акцыі былі накіраваны на навядзенне парадку і добраўпарадкаванне тэрыторый, прылеглых да сацыяльна значных водных аб'ектаў. На Віцебшчыне навялі парадак на берагавых лініях 24 вадаёмаў, найбольш схільных антрапагеннай нагрузцы. Акрамя прыродаахоўных служб у акцыі ўдзельнічалі прадстаўнікі мясцовай улады, грамадскіх арганізацый, навучэнцы і валанцёры. Вадаём "Бярозкі", ці возера ДЭУ, як яго называюць мясцовыя жыхары, у летні перыяд карыстаецца папулярнасцю ў дубровенцаў і гасцей раённага цэнтра. У гарачыя летнія дні на адпачынак ля вады збіраецца да сотні чалавек. На жаль, не ўсе прыбіраюць за сабой смецце. Засмечваюць акваторыю вадаёма і некаторыя рыбаловы-аматары, напрыклад, пакідаючы пакеты з-пад прыкормкі і іншыя адкіды.

25 красавіка на бераг возера разам з ініцыятарамі акцыі — раённай інспекцыі прыродных рэсурсаў і аховы навакольнага асяроддзя — выйшлі прадстаўнікі Малабахаўскага сельсавета, Дубровенскай БТПР і навучэнцы аграрна-тэхнічнага каледжа пад кіраўніцтвам першага сакратара райкама БРМС.

Як падкрэсліў начальнік інспекцыі Уладзімір Вялейшыкаў, размяшчэнне адходаў у прыбярэжных і водаахоўных зонах уплывае на якасць вады, што пасля можа аказаць негатыўнае ўздзеянне на здароўе чалавека і біяразнастайнасць водных аб'ектаў. Таму вельмі важна адпачываць без шкоды прыродзе і падтрымліваць чысціню на берагах і ў акваторыі.

— Галоўнае ў акцыі — выхоўваць экалагічную культуру. Прырода не справіцца з наступствамі чалавечай дзейнасці без нашай дапамогі, і кожны сабраны мяшок смецця — гэта крок да здаровай экасістэме, — адзначыў Уладзімір Вялейшчыкаў.

У выніку сумеснай работы сабраны вялікі аб'ём смецця, а прылеглая тэрыторыя стала прыкметна чысцей. Удзельнікі акцыі заклікаюць усіх не заставацца абыякавымі і далучыцца да навядзенні парадку ў нашым агульным доме. Толькі разам мы зможам зрабіць Беларусь яшчэ чысцей, прыгажэй і бяспечней для жыцця.

dubrovno.by