10.09.2020

Дубровенцы дапамагаюць упрыгожваць Віцебск да «Дажынак»

 

Малыя архітэктурныя формы і незвычайныя клумбы з'явіліся ў Віцебску напярэдадні абласнога фестывалю-кірмашу працаўнікоў вёскі «Дажынкі-2020». На плошчы 1000-годдзя каля храма Аляксандра Неўскага адбыўся фінальны этап абласнога конкурсу прафесійнага майстэрства сярод рабочых зялёнага будаўніцтва.

Конкурс праводзілі сёмы год запар. Удзел у ім прынялі лепшыя ландшафтныя дызайнеры і азеляніцелі з дзевяці раёнаў Віцебшчыны. Гэта прадстаўнікі арганізацый жыллёва-камунальнай гаспадаркі з Браслава, Глыбокага, Докшыц, Дуброўна, Полацка, Каханава, Новалукомля, Паставаў, Віцебска.

Кампазіцыі прыцягвалі сваёй арыгінальнасцю і яркасцю, высокім прафесіяналізмам выканання. Амаль кожная праца ўяўляла тое, чым славіцца пэўны раён.

Прыцягнула ўвагу «Беларусачка» ЖКГ з Каханава (Талачынскі раён), а таксама Дубровенскі «Родны край» у выглядзе сельскага падворка з домам, лазняй, гняздом з буслам.

На вуліцы Замкавай - незвычайныя клумбы і падстаўкі для раслін, а на праспекце Чарняхоўскага цяпер стаiць гіганцкі сіні тэлефон.

Па матэрыялах БЕЛТА