17.06.2025

Дубровенскія падлеткі працуюць ва УП ЖКГ "Дуброўна-Камунальнік"

Мы ўпрыгожваем горад. З гонарам кажуць Кірыл Губскі, Ілля і Улад Шайковы. Яны скончылі 8-ы клас і летам вырашылі не толькі адпачыць ад вучобы, але і папрацаваць.

На кірмашы вакансій, арганізаваным упраўленнем па працы і занятасці насельніцтва, яшчэ вясной вывучылі наяўныя прапановы. Спецыялісты ўпраўлення падказалі, дзе можна знайсці працу. У прыватнасці, у горадзе Дуброўна яе далі падлеткам УП ЖКГ "Дуброўна-Камунальнік". У маі Кірыл і Ілля прайшлі медкамісію, а ў чэрвені ўжо прыступілі да пасады дапаможнага рабочага і рабочых зялёнага будаўніцтва.

Хлапчукі добра спраўляюцца з даручанай справай, мы сустрэлі іх на вуліцы Камсамольская за праполкай кветнікаў. Яны распавялі, што ў ліпені плануюць яшчэ, адпачываючы ў школьным лагеры, сумяшчаць працу па добраўпарадкаванні школьнай тэрыторыі. Упраўленне па працы будзе са сродкаў бюджэту аплачваць хлопцам і такі від работы.

- Заробленыя грошы патрачу на куплю акумулятара да электрасамаката, - падзяліўся Кірыл Губскі. - Хачу дапамагчы бацькам, а галоўнае, самому зарабіць першыя грошы. Я паспрабую якасна выконваць свае абавязкі, бо сам прыйшоў на працу, а значыць, і адказнасць нясу таксама сам. З кожным школьнікам заключаецца афіцыйны дагавор, а гэта значыць, што для дзяцей пачынаецца адлік іх працоўнага стажу. Магчымасць унесці свой уклад у важную справу па навядзенні чысціні і парадку ў родным горадзе — усё гэта робіць летнюю занятасць у Год добраўпарадкавання не проста працай, а каштоўным жыццёвым вопытам для моладзі.

dubrovno.by