25.02.2020

Дубровенскі РАУС прызнаны адным з лепшых у Віцебскай вобласці раённым аддзелам унутраных спраў

 

На калегіі ўпраўлення ўнутраных спраў Віцебскай вобласці падведзены вынікі працы за мінулы год. Дубровенскі РАУС прызнаны адным з лепшых у Віцебскай вобласці раённым аддзелам унутраных спраў.

За высокія паказчыкі ў аператыўна-службовай дзейнасці Дубровенскай РАУС ўручана пераходзячая ўзнагарода «Святы Георгій - Узнагарода ўпраўлення ўнутраных спраў Віцебскага аблвыканкама». Акрамя заслужанага прызнання, калектыву раённага аддзела уручаны службовы аўтамабіль.

Як адзначыў Андрэй Сінюковіч, начальнік Дубровенскага РАУС, гэта заслужаная ўзнагарода і прызнанне прафесіяналізму ўсяго калектыву, які працаваў максімальна эфектыўна на працягу года.

- У 2019 годзе прынятыя аддзелам унутраных спраў меры дазволілі не дапусціць ўскладнення становішча ў Дубровенскім рэгіёне, забяспечыць ахову правапарадку і належны ўзровень грамадскай бяспекi, - сказаў начальнік. - Крымінагенная абстаноўка ў цэлым характарызуецца стабільнасцю і наяўнасцю шэрагу станоўчых тэндэнцый у яе дынаміцы, і з улікам наяўнай сацыяльнай, эканамічнай і палітычнай абстаноўкі, на наступны перыяд перадумоў да рэзкага ўскладнення аператыўнай абстаноўкі няма.

ДАВЕДКА.
Грамадская ўзнагарода «Святы Георгій - Узнагарода ўпраўлення ўнутраных спраў Віцебскага аблвыканкама» заснавана па ініцыятыве афіцэрскага сходу УУС напярэдадні 100-гадовага юбілею беларускай міліцыі. Сімвалам стаў вобраз Святога Георгія, увасоблены ў бронзавай статуэтцы. Акрамя заслужанай узнагароды міліцэйскія калектывы атрымліваюць у падарунак новыя службовыя аўтамабілі. Па становішчы аб конкурсе, калі на працягу пяці гадоў АУС будзе прызнавацца лепшым, то ўзнагарода «Святы Георгій» застанецца яму назаўсёды і аддзел унясуць у Кнігу гонару УУС.

Юлія СТАРАВОЙТАВА.