16.07.2025

Дэлегацыя з Татарстана наведала Дубровеншчыну

Дубровенскі раён і Рэспубліку Татарстан звязваюць даўнія і цесныя сувязі: гістарычныя, культурныя, грамадскія.

У год 80-годдзя Вялікай Перамогі савецкага народа над нямецка-фашысцкімі захопнікамі ў рамках навукова-пошукавай і асветніцкай работы дэлегацыя з Татарстана ў пачатку ліпеня наведала Беларусь. Серыя мерапрыемстваў, прысвечаных 85-годдзю абароны Брэсцкай крэпасці, 120-годдзю з дня нараджэння татарскага паэта-патрыёта, Героя Савецкага Саюза Мусы Джаліля і памяці герояў-татараў, якія змагаліся на беларускіх землях з 1941 па 1945 гады, праведзена гэтымі днямі ў рэспубліцы.

У нашым раёне дэлегацыя пабывала 12 ліпеня. Памочнік Ільхама Кашапава і Альберт Бурханаў, начальнік Камітэта па рабоце з краязнаўцамі выканкама Сусветнага кангрэса татараў, наведалі мемарыяльны комплекс "Рыленкі", дзе аддалі даніну памяці 42 тысячам салдат, сярод якіх людзі розных нацыянальнасцяў, якія аддалі жыцці ў барацьбе за незалежнасць Радзімы. У Дубровенскім гісторыка-краязнаўчым музеі за круглым сталом прайшло абмеркаванне і сумесная распрацоўка будучых мерапрыемстваў, у тым ліку навуковых канферэнцый і ўдзел прадстаўнікоў Татарстана ў XXXII Міжнародным фестывалі песні і музыкі "Дняпроўскі галасы ў Дуброўне". Госці пазнаёміліся з экспазіцыямі музея, гісторыяй і славутасцямі Дубровеншчыны і былі ўражаны, наколькі цікавая і даўняя гісторыя гэтага краю, як шмат знакамітых людзей - выхадцаў гэтай мясцовасці праславілі яго сваімі дасягненнямі, узнагародамі і заслугамі, у тым ліку сусветнага ўзроўню.

Намеснік старшыні Дубровенскага райвыканкама Святлана Рыжанская ўручыла гасцям з Татарстана сувеніры, вырабленыя майстрамі раённага Дома рамёстваў. Разам беларусы і татары ўсклалі кветкі да помніка татарскага кампазітара Фарыда Яруліна.

dubrovno.by