15.01.2026

Дабрачынная акцыя "Ад усёй душы" крочыць па Дубровеншчыне

Старшыня Дубровенскага райвыканкама Алег Макарэвіч даў урачысты старт у раёне рэспубліканскай дабрачыннай акцыі "Ад усёй душы", ініцыяванай Кіраўніком дзяржавы. У чацвёрты раз яна напаўняе зімовыя дні цяплом і шчырай увагай да старэйшага пакалення.

У аддзяленне кругласутачнага знаходжання Дубровенскага ТЦСАН кіраўнік раёна прыйшоў з самымі цёплымі каляднымі і навагоднімі пажаданнямі і ўручыў падарункавы сертыфікат для набыцця развіваючага і рэабілітацыйнага абсталявання, а таксама салодкія падарункі.

— Галоўны пасыл рэспубліканскай акцыі "Ад усёй душы" — акружыць увагай і клопатам пажылых людзей у навагоднія і калядныя святы, — адзначыў Алег Макарэвіч. — У гэтыя дні мы маем яшчэ адну магчымасць выказаць сваю павагу да старэйшага пакалення, праявіць клопат і аказаць неабходную падтрымку.

Здароўя, невычэрпнай энергіі, шчасця, дабрабыту і міру жадалі госці ўсім прысутным.

Да адкрыцця дабрачыннай акцыі "Ад усёй душы" далучыліся вучні сярэдняй школы № 1 г. Дуброўна ім. А.А. Нікандравай. Яны падрыхтавалі святочны канцэрт і салодкія "гасцінцы-мяшэчкі" для пражываючых у аддзяленні. Увага і клопат моладзі так неабходная людзям залатога ўзросту!

Вясёлыя творчыя нумары, Дзед Мароз і Снягурка перанеслі ўсіх у займальны свет навагодняга свята і Каляд! А невычэрпная энергія, жыццялюбства і пазітыў дубровенцы праявіліся ў танцах і песнях, прымалі ўдзел у якіх усе без выключэння.

З адкрытым сэрцам і творчым запалам у гэтыя святочныя дні спяшаецца моладзь валанцёрскага атрада "Дабро ў дзеянні" сярэдняй школы № 2 г. Дуброўна ім. Ю. Смірнова да пажылых людзей аддзялення кругласутачнага знаходжання ТЦСАН Дубровенскага раёна. Прадстаўленая імі праграма "Давайце верыць у цуды!", навагоднія сувеніры-падарункі сталі святочным сюрпрызам. Моладзь - з клопатам і ўвагай для вас, нашы мудрыя і паважаныя! Да дабрачыннай акцыі "Ад усёй душы" падключыўся і актыў Дубровенскага раённага аддзялення Беларускай партыі "Белая Русь" на чале са старшынёй Ларысай Крыштопавай.

Цяпло душы, падарункі і зносіны чакаюць усе дарослыя. Асаблівая ўвага ў гэтыя дні - інвалідам, людзям, якія праявілі стойкасць і вытрымку, упартасць і настойлівасць. Дубровенскае раённае таварыства інвалідаў, ТЦСАН і студыя "Сардэчныя сустрэчы" РДК сумесна з прадстаўнікамі Беларускай партыі "Белая Русь" наведалі сем'і, дзе клапоцяцца пра блізкіх, якія трапілі ў цяжкую жыццёвую сітуацыю. Прыемна, што падтрымалі акцыю і аказалі дапамогу ў набыцці падарункаў і сувеніраў кіраўнікі ААТ "Герой" Пётр Сыса, ААТ "Дубровенскі льнозавод" Анатоль Басянкоў, ААТ "Дубровенскі райаграсэрвіс" Дзмітрый Цімошчанка, а таксама прадпрымальнікі Святлана Пахомава і Алена Цітарэнка.

Акцыя "Ад усёй душы" працягнецца па 14 студзеня. Увага будзе нададзена ветэранам працы, асобам, якія пацярпелі ад наступстваў вайны, доўгажыхарам, адзінокім і адзінока пражываюць пажылым грамадзянам. Грамадскія арганізацыі, валанцёры, моладзь яшчэ не раз сустрэнуцца са старэйшым пакаленнем, каб выказаць удзячнасць і павагу, акружыць клопатам і ўвагай пажылых людзей у гэтыя святочныя дні.

dubrovno.by