21.11.2025

Банкаўскія карткі могуць не працаваць у Беларусі ў ноч на 22 лістапада

Банкаўскія карткі могуць не працаваць у Беларусі ў ноч на 22 лістапада, паведамілі БЕЛТА ў банкаўскім працэсінгавым цэнтры.

22 лістапада будуць праводзіцца тэхналагічныя работы на сеткавым абсталяванні цэнтра. У прамежак часу з 00.00 да 5.00 магчымыя кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў, якія абслугоўваюцца банкамі, падлучанымі да апаратна-праграмнага комплексу цэнтра.

dubrovno.by