20.05.2020

Азбука бяспечнай дарогі

 

Супрацоўнікамі АДАІ Дубровенскага РАУС сумесна з карэспандэнтамі раённай газеты «Дняпроўская праўда» праведзена прафілактычнае мерапрыемства «Азбука дарожнага руху».

У рамках правядзення мерапрыемства інспектары дарожнага руху нагадалі кіроўцам і пешаходам аб правілах бяспечных паводзін на дарозе, правілах перавозкі дзяцей-пасажыраў, неабходнасці выкарыстання святлоадбіўных элементаў у цёмны час сутак. Асаблівая ўвага надавалася паводзінам на дарогах веласіпедыстаў, растлумачваюцца патрабаванні ПДР па ўзроставых абмежаваннях кіравання роварам і мапедам. Удзельнікам акцыі былі раздадзены ўлёткі і буклеты з памяткамі аб захаванні ПДР.

Iнспектарам АДАІ падчас правядзення прафілактычнага мерапрыемства былі выяўлены парушэнні з боку вадзіцеляў транспартных сродкаў, якія не жадалі прапускаць пешаходаў на нерэгуляваных пешаходных пераходах. Разам з тым былі выяўленыя выпадкі парушэння пешаходамі правілаў перасячэння праезнай часткі. У чарговы раз супрацоўнікі ДАІ заклікаюць жыхароў Дубровенскага раёна быць як мага больш уважлівымі на дарогах, выконваць правілы і быць узаемна ветлівымі.

Алена Корсакава