17.11.2025

Аляксандр Корнеў: "Прэзідэнт акцэнтаваў, што разглядаць падтрымку вёскі варта як асноўную мэту развіцця"

Аляксандр Карнееў, першы намеснік старшыні - начальнік упраўлення па сельскай гаспадарцы і харчаванні Дубровенскага райвыканкама:

— Мы ўсе разумеем, што асабліва ў такіх сельскагаспадарчых раёнах, як наш, калі не актывізаваць намаганні па падтрымцы насельніцтва ў сельскай мясцовасці, не забяспечваць стварэнне ўмоў для занятасці, сацыяльнай абароны і паляпшэння якасці жыцця вяскоўцаў, то вёскі не будзе. У цэлым Прэзідэнт акцэнтаваў, што разглядаць падтрымку вёскі варта як асноўную мэту развіцця. А для гэтага - умацоўваць аграрны сектар, ствараць умовы для моладзі, рабіць так, каб людзі заставаліся працаваць у сельскай мясцовасці. Менавіта таму мы выкарыстоўваем усе магчымыя рэсурсы: павышэнне заработнай платы на вёсцы праз рост прадукцыйнасці працы, будаўніцтва і рамонт МТК, а галоўнае, навядзенне парадку і захаванне тэхналагічнай і працоўнай дысцыпліны. У мэтах выканання даручэння Кіраўніка дзяржавы работа па навядзенні парадку ва ўсіх сельгасарганізацыях раёна працягваецца: суботнікі, санітарныя дні, дні жывёлавода — не новыя формы работы, а добра забытыя старыя, якія трэба аднавіць. Гарадскія жыхары, вядома, дапамогуць вяскоўцам, але гэта, у першую чаргу, іх зона адказнасці.

dubrovno.by