08.04.2026

7 красавіка ў Сусветны дзень здароўя дубровенскія медыкі праводзяць акцыю "Ведай свае паказчыкі"

У раёне былі арганізаваны 5 пунктаў, дзе ўсе жадаючыя маглі вымераць узровень цукру ў крыві, артэрыяльны ціск, канкрэтызаваць сваю вагу і рост. У цэнтральнай аптэцы Дуброўна за 4 гадзіны работы такога пункта медыкі прынялі больш за 50 чалавек.

Акрамя аптэкі пункты працуюць у сярэдняй школе №2, у каледжы, у амбулаторыях Заруб і Асінторфа да 14.00. Паспей даведацца свае паказчыкі!

- Пасля ўсіх вымярэнняў, калі выяўлена адхіленне ад нормы, мы даем рэкамендацыі. Многія, вядома, ведаюць аб праблемах са здароўем, а для кагосці сённяшнія лічбы стануць падставай задумацца аб неабходных кроках па захаванні добрага фізічнага стану, - падкрэсліў удзельнік акцыі памочнік урача Максім Мамыкін.

dubrovno.by