01.06.2020

1 чэрвеня - Міжнародны дзень абароны дзяцей і Сусветны дзень бацькоў

 

Любя безгранично детей своих,

Родители любят не только их,

Э.Асадов

Сям'я па праве лічыцца ячэйкай грамадства, бо ў кожным такім паўнавартасным аб'яднанні расце, як мінімум, адно дзіця. Галоўную адказнасць за яго развіццё і выхаванне нясуць маці і бацька. Стаць бацькамі - вялікае шчасце, але яно абавязкова спалучана з рознага роду цяжкасцямі і перажываннямі. Маці і бацька нясуць асноўную адказнасць за выхаванне і абарону дзяцей.

Невыпадкова першы дзень лета пазначаны дзвюма важнымі святамі. 1 чэрвеня - Міжнародны дзень абароны дзяцей і Сусветны дзень бацькоў. І калі Дзень абароны дзяцей адзначаецца з 1950 года, то Дзень бацькоў быў зацверджаны рэзалюцыяй Генеральнай асамблеі ААН у верасні 2012 года.

Мэта міжнароднага свята простая і зразумелая - данесці да людзей важнасць сям'і для грамадства ў цэлым і для кожнага дзіцяці і дарослага чалавека ў прыватнасці. Новае свята нагадвае дзецям пра тое, што ў іх ёсць мамы і таты, якія маюць патрэбу ў каханні і клопаце, і навучыць маладое пакаленне быць любячымi бацькамі.

Праўда, маці і бацькі бываюць рознымі. Парой дзецям не хапае элементарнай ўвагі, цяпла і ласкі родных людзей. Тады дзяржава ўстае на абарону правоў дзіцяці. Але якімі б ні былі бацькі, гэта самыя блізкія і родныя людзі. Менавіта яны даюць дзецям тое, што не дасць ніхто і ніколі больш: яны дораць жыццё. І мы павінны дзякаваць ім за гэта. Скажыце дзякуй бацьку і маці, хоць бы ў думках, калі іх ужо няма з вамі - тады і вашыя дзеці не забудуць зрабіць тое ж самае ў адносінах да вас у свой час.

  Святлана ШУРПАКОВА.