06.02.2025

За першы месяц кампаніі дэкларавання на Віцебшчыне зрабілі справаздачу па даходах больш за 600 грамадзян

Па выніках першага месяца кампаніі дэкларавання даходаў, атрыманых у 2024 годзе, на Віцебшчыне колькасць пададзеных дэкларацый перавысіла амаль на траціну дадзеныя за аналагічны перыяд мінулага года.

Паводле інфармацыі прэс-цэнтра абласной падатковай інспекцыі, у студзені прадставілі падатковыя дэкларацыі больш за 600 грамадзян, якія пражываюць на Віцебшчыне. Пераважная большасць дэкларацый (97,5 адсотка) пададзена ў электронным выглядзе праз сэрвіс «Асабісты кабінет плацельшчыка». Паводле папярэдніх звестак, сума падаходнага падатку з фізічных асоб, даналічаная па прадстаўленых разліках, перавысіла 2 мільёны рублёў.

Падатковая дэкларацыя прадстаўляецца грамадзянамі ў дачыненні да даходаў, указаных у артыкуле 219 Падатковага кодэкса Рэспублікі Беларусь. Дакумент можна падаць асабіста ў любым падатковым органе або адправіць па пошце, перадаць з дапамогай праграмных і тэхнічных сродкаў праз «Асабісты кабінет плацельшчыка», а таксама праз свайго законнага або ўпаўнаважанага прадстаўніка.

У абласной падатковай інспекцыі нагадалі, што кампанія дэкларавання працягнецца да канца сакавіка бягучага года.