04.10.2019

Віцебскі аблвыканкам абвясціў конкурс сярод маладых навукоўцаў на лепшыя даследаванні і распрацоўкі

 

Віцебскі аблвыканкам абвясціў аб правядзенні конкурсу сярод маладых навукоўцаў і спецыялістаў, якія працуюць ва ўстановах і арганізацыях рэгіёну, паведамілі карэспандэнту БЕЛТА ў аблвыканкаме.

Удзельнічаць у конкурсе могуць дактары навук ва ўзросце да 45 гадоў, кандыдаты навук - да 35 гадоў, навукоўцы без ступені - да 30 гадоў. Прэтэндэнты павінны мець не менш трох навуковых публікацый у часопісах і зборніках навуковых прац па тэме конкурснай працы.

Спаборніцтва пройдзе ў наступных катэгорыях: фундаментальныя даследаванні (тры прэміі), прыкладныя даследаванні і распрацоўкі - чатыры прэміі, у тым ліку адна за лепшую распрацоўку ў эканоміі і беражлівасці.

Прыём заявак ажыццяўляецца да 1 снежня. Больш падрабязную інфармацыю аб умовах удзелу можна даведацца на сайце Віцебскага аблвыканкама.

Штогадовы адкрыты абласны конкурс на атрыманне прэмій аблвыканкама праводзіцца ў мэтах стымулявання навукова-даследчай дзейнасці маладых навукоўцаў і спецыялістаў, якія займаюцца перспектыўнымі навуковымі даследаваннямі і распрацоўкамі ў арганізацыях Віцебскай вобласці.