04.12.2019

У Віцебскай вобласці забаронены выхад на лёд

 

Віцебскі аблвыканкам прыняў распараджэнне аб забароне выхаду на лёд. У бліжэйшы час адпаведнае рашэнне на перыяд станаўлення лёду будзе прынята на месцах органамі ўлады, паведамілі карэспандэнту БЕЛТА ў Віцебскім абласным упраўленні МНС.

Такое рашэнне абумоўлена падвышанай небяспекай знаходжання на вадаёмах, дзе таўшчыня лёду яшчэ недастатковая, а таксама гібеллю двух рыбакоў. Няшчасныя выпадкі адбыліся 1 снежня ў Гарадоцкім i Расонскім раёнах. Пры сабе мужчыны не мелі ніякіх сродкаў выратавання.

Прафілактычныя гутаркі па гэтай тэме таксама будуць праведзены ва ўстановах адукацыі.

Па словах старшыні абласной арганізацыі АСВОД Аляксандра Мясаедава, у цяперашні час таўшчыня лёду на вадаёмах вобласці складае каля 3-4 см, да 7 см яна лічыцца небяспечнай, выходзіць у гэты час на вадаёмы не рэкамендуецца. "У мінулым годзе ў перыяд станаўлення лёду грэбаванне правіламі бяспекі каштавала жыцця тром рыбакам", - падкрэсліў Аляксандр Мясаедаў. Ён таксама звярнуў увагу, што лёд ўяўляе цяпер асаблівую небяспеку і ў сувязі з выпаўisv снегам, які запавольвае яго ўтварэнне.