18.12.2019

Аншлагавым канцэртам сімфанічнага аркестра закрываецца фестываль Салярцінскага ў Віцебску

 

Фінальным акордам ХХХІ Міжнароднага музычнага фестывалю імя І.І.Салярцінскага ў Віцебску стане канцэрт Дзяржаўнага акадэмічнага сімфанічнага аркестра Беларусі пад кіраўніцтвам Аляксандра Анісімава, паведамілі БЕЛТА ў абласной філармоніі.

У праграме першага аддзялення - канцэрт нумар 1 для фартэпіяна з аркестрам Чайкоўскага. У другім публіка пачуе сімфонію нумар 15 Шастаковіча. Саліст - Андрэй Паначэўны (фартэпіяна). На фінальны канцэрт форуму раскуплены ўсе білеты.

Пад кіраўніцтвам Аляксандра Анісімава аркестр знаходзіць новыя шляхі і формы канцэртнай дзейнасці: запрашаюцца вядомыя музыканты з розных краін свету, аднаўляюцца гастролі сімфанічнага аркестра па вобласці, праводзіцца вялікая работа па запісе беларускай сімфанічнай музыкі. Рэпертуар аркестра шырокі і разнастайны: ад класічнай сімфанічнай музыкі рускіх і еўрапейскіх кампазітараў да кампазіцый сучасных аўтараў", - адзначылі ў філармоніі.

Фестываль пачаўся 3 снежня канцэртам струннага квартэта "Акадэмія камернай музыкі" (Расія). Форум падарыў магчымасць віцебскай публіцы пачуць гучанне незвычайнага інструмента-банданеона. Таксама знатакі класікі змаглі паслухаць творы Канчэлі, Пярта, Шнітке і Сільвестрава.