12 апреля 2016

Гуканне вясны

У мінулую пятніцу у старажытным парку “Ліпкі” горада Дуброўна быў праведзены абрад “Гуканне вясны”, удзельнікамі якога былі работнікі раённага Дома культуры, народны фальклорны калектыў “Кудзеліца”, фальклорны гурт “Сяляначка” Станіславоўскага Дома культуры і вакальная група “Беларусачка” Асінторфскага СДК.

У мінулую пятніцу  у старажытным парку “Ліпкі” горада Дуброўна  быў праведзены абрад “Гуканне вясны”, удзельнікамі якога былі работнікі раённага Дома культуры, народны фальклорны калектыў “Кудзеліца”, фальклорны гурт “Сяляначка” Станіславоўскага Дома культуры і вакальная група “Беларусачка” Асінторфскага СДК.

Гледачамі свята сталі шматлікія жыхары мікрараёна ”Бярозкі” і прылеглых да яго вуліц і вучні школ г.Дуброўна, якія прыйшлі гукаць вясну з вырабленымі новенькімі рознакаляровымі шпакоўнямі, каб потым развесіць іх у парку і чакаць птушыных навасёлаў.

“Гуканне вясны” — адно з самых музычных народных свят. Праходзіла яно весела і шумна. У выкананні самадзейных артыстаў прагучала нямала народных песень. Рэпертуар дубровенскіх “кудзеліц” быў насычаны песнямі-вяснянкамі. Асаблівасць гэтых песень у тым, што кожны куплет заканчваўся падоўжаным гукам “гу-у-у-у-у”.

Увазе прысутных было прапанавана невялікае прадстаўленне, у час якога Зіма саступіла месца Вясне. Удзельнікі і гледачы павязалі на дрэўцы шматлікія стракатыя стужкі — маленькія сімвалы ярка квітнеючай прадстаячай вясны, а потым прынялі ўдзел у народнай гульні “Барана”, вадзілі вясёлыя карагоды з песнямі, у якіх праслаўлялі прыход вясны і ўсё, што звязана з ім.