20 ноября 2019

Белорусы выбрали новый парламент

17 лістапада 2019 года — дата, якая стала для гісторыі Беларусі палітычнай і гістарычнай падзеяй. У гэты дзень беларусы аддалі свае галасы за кандыдатаў у новы Парламент. І такім чынам вызначылі будучыню сваёй краіны.

17 лістапада 2019 года — дата, якая стала для гісторыі Беларусі палітычнай і гістарычнай падзеяй. У гэты дзень беларусы аддалі свае галасы за кандыдатаў у новы Парламент. І такім чынам вызначылі будучыню сваёй краіны.

Па звестках ЦВК, яўка выбаршчыкаў у Беларусі склала 77,22%, што на 3% больш, чым на папярэдніх парламенцкіх выбарах 2016 года. Найбольш актыўнымі і адказнымі былі жыхары Магілёўшчыны — у галасаванні прынялі ўдзел 82,3% выбаршчыкаў. На другім месцы па актыўнасці — жыхары Віцебскай вобласці, дзе прынялі ўдзел у галасаванні 82,09% унесеных у спіскі грамадзян.

Такі працэнт яўкі выбаршчыкаў — гэта сведчанне высокай ступені легітымнасці новага дэпутатскага корпуса, а таксама паказчык палітычнай і прававой культуры грамадства.

Старшыня Цэнтрвыбаркама Лідзія Ярмошына, падводзячы папярэднія вынікі выбараў, паведаміла, што ў Беларусі ў новы склад Парламента абрана 110 дэпутатаў, у тым ліку 30 дзеючых. Сярэдні ўзрост народных выбраннікаў — 50,4 года. Ёсць у абноўленым саставе Палаты прадстаўнікоў двое дэпутатаў ва ўзросце да 30 гадоў. Усе дэпутаты маюць вышэйшую адукацыю.

У Палаце прадстаўнікоў стала больш жанчын. Зараз іх 44, альбо 40% дэпутатскага корпуса. Дарэчы, у 2016 годзе было абрана 38 жанчын, альбо 34,5%. Мужчын у Парламент абрана 66 чалавек.

У гэту кампанію павялічылася колькасць партыйных народных выбраннікаў: з 16 чалавек у 2016 годзе да 21 чалавека. Гэта 19,1% ад агульнай колькасці дэпутатаў. 80,9% дэпутатаў новага склікання беспартыйныя.

Як паведамілі ў Віцебскай абласной выбарчай камісіі, удзел у галасаванні прынялі 703 тыс. 420 чалавек. Выбары адбыліся ва ўсіх 14 акругах. На дэпутатскае месца ў сярэднім па вобласці прэтэндавала 5 чалавек. На Віцебшчыне абрана 14 дэпутатаў, з іх 12 абраны ўпершыню. Сярод новых дэпутатаў — 5 жанчын.

Дубровенскі раён уваходзіў у састаў Сенненскай акругі №30. У спісы выбаршчыкаў было ўнесена 57 тыс. 179 чалавек. Удзел у выбарах прынялі 50 тыс. 817 чалавек. Упершыню на адзін дэпутатскі мандат прэтэндавала 6 кандыдатаў.

18 лістапада Цэнтральная выбарчая камісія абнародавала прозвішчы кандыдатаў, якія, паводле папярэдніх дадзеных, выбраны ў склад Палаты прадстаўнікоў Нацыянальнага сходу сёмага склікання. Гэтыя звесткі размешчаны на афіцыйным сайце Цэнтрвыбаркама.

Згодна з імі па Сенненскай выбарчай акрузе №30 дэпутатам Палаты прадстаўнікоў Нацыянальнага сходу сёмага склікання абраны Дубаў Аляксандр Васільевіч, намеснік Генеральнага пракурора Рэспублікі Беларусь.

Згодна з каляндарным планам Цэнтрвыбаркама рашэнні аб устанаўленні вынікаў выбараў у кожным рэгіёне абласныя і Мінская гарадская выбарчыя камісіі пададуць у ЦВК не пазней 23 лістапада. Не пазней чым у трохдзённы тэрмін пасля ўстанаўлення вынікаў выбараў Цэнтральная камісія накіроўвае адпаведнае паведамленне ў друк. І гэта ўжо будуць афіцыйныя дадзеныя.

Святлана ШУРПАКОВА.