Дзяржаўная ўстанова адукацыі Дубровенская дзіцячая школа мастацтваў імя Фарыда Яруліна

Дзяржаўная ўстанова адукацыі «Дубровенская дзіцячая школа мастацтваў імя Фарыда Яруліна»

г.Дуброўна ,вул.Чырвонаармейская, д. 2

Дырэктар - Анікеева Аксана Рыгораўна,   тэл. 5-29-71

Намеснік дырэктара
па вучэбна-выхаваўчай рабоце -  Кахноўская  Алена Ананьеўна
e-mail: dshi.yarullin2017@mail.ru

Вучэбна-выхаваўчы працэс забяспечваюць 27 педагогаў, якія маюць спецыяльную педагагічную адукацыю.

Дзіцячая школа мастацтваў  з'яўляецца шматпрофільнай установай, якая рэалізуе адукацыйныя праграмы дадатковай адукацыі дзяцей па розных напрамках эстэтычнай накіраванасці.  У школе створаны і паспяхова працуюць аддзяленні:

• інструментальнае (па класах фартэпіяна, скрыпкі, гітары, баяна, акардэона, цымбал, балалайкі)
• выяўленчага мастацтва
• харэаграфічнае
• харавое
•  тэатральнае

Дзіцячая школа мастацтваў мае навучальныя класы па  ў 4 аграгарадках: Асінторф, Зарубы, Калінаўка, Дабрынь.

У школе дзейнічаюць творчыя калектывы:

народны вакальна-інструментальны ансамбль «Аўрум»
узорны аркестр баянаў
харэаграфічны калектыў «Эліт»
вакальна-інструментальны ансамбль «Квадрат»
дзіцячы хор
вакальная група аддзялення выяўленчага  мастацтва «АКВАрэль»
ансамбль настаўнікаў « Дняпроўскія перазвоны»

Народны вакальна-інструментальны ансамбль «Аўрум»
Мастацкі кіраўнік Аляксандр Хацееў

Заснаваны ў 2010 годзе з мэтай музычнага асветніцтва насельніцтва, папулярызацыі інструментальнага выканання, прапаганды музычнага мастацтва.  Удзельнікі калектыву - таленавітыя выкладчыкі дзіцячай школы мастацтваў і самадзейныя выканаўцы іншых прафесій. У 2014 годзе ансамблю прысвоена званне "народны".
Вакальна-інструментальны ансамбль «Аўрум» з'яўляецца лаўрэатам міжнародных, рэспубліканскіх, абласных конкурсаў.

Узорны аркестр баянаў
Мастацкі кіраўнік Марына Дзікарава

Узорны аркестр баянаў - адзін з самых яскравых калектываў Дубровенскай дзіцячай школы мастацтваў.  Створаны ў 2002 годзе.

Велізарная самааддача, творчая вынаходлівасць кіраўніка калектыву дазваляюць рабіць канцэртныя праграмы не толькі эмацыянальна насычанымі, але і відовішчнымі. Рэпертуар аркестра ўключае рускую і замежную класіку, віртуозныя фантазіі на народныя тэмы, музыку з кінафільмаў.