У Віцебску прайшоў інтэнсіў «Канстытуцыя - закон, па якім мы жывем»
Інтэнсіў "Канстытуцыя - закон, па якім мы жывем", прымеркаваны да Дня Канстытуцыі Рэспублікі Беларусь, прайшоў у ВДУ імя П. Машэрава.
У пачатку дыялогавай пляцоўкі рэктар універсітэта Валянціна Багатырова падкрэсліла, што ў летапісе гісторыі нашай дзяржавы ёсць розныя старонкі. Адной з найважнейшых з'яўляецца 15 сакавіка - дзень, калі быў прыняты Асноўны закон.
- Прыемна адзначыць, што ў сценах ВНУ адбылося нямала дыялогавых пляцовак, абмеркаванняў па ўнясенні змяненняў і дапаўненняў у Канстытуцыю. Гэта было зроблена для таго, каб маладыя людзі адчулі, што такое насамрэч дэмакратыя і абмеркаванне Асноўнага закону. Гэта адбывалася не кулуарна, а даступна і адкрыта. І тыя прапановы, якія ўносіла моладзь, былі пачутыя на самым высокім узроўні, - адзначыла Валянціна Багатырова.
Член Савета Рэспублікі, старшыня абласнога аб'яднання прафсаюзаў Юрый Дзяркач акцэнтаваў увагу на тым, што ў нас у дзяржаве вызначана сацыяльная накіраванасць. Дзякуючы Канстытуцыі кожны чалавек у нашай краіне мае права на дастойнае жыццё і асобаснае развіццё.
У рамках мерапрыемства запрошаныя эксперты і студэнцкі актыў універсітэта паўдзельнічалі ў анлайн-квізе, прысвечаным Канстытуцыі Рэспублікі Беларусь, а прадстаўнікі маладзёжных крылаў грамадскіх аб'яднанняў і арганізацый ВДУ імя П. Машэрава расказалі пра асноўныя напрамкі дзейнасці.
Напрыканцы сустрэчы першы сакратар абкама БРСМ Уладзімір Бабічаў уручыў прэмію "Дасягненне" ў намінацыі "Настаўнік моладзі" Валянціне Багатыровай.
