У Віцебску прафсаюзы арганізуюць лёгкаатлетычны забег
Удзельнікамі лёгкаатлетычнага кросу, які пройдзе 4 кастрычніка ў Віцебску, стануць больш за 500 прадстаўнікоў першасных прафсаюзных арганізацый прадпрыемстваў і арганізацый абласнога цэнтра і спартсмены - навучэнцы Віцебскага спартыўнага клуба Федэрацыі прафсаюзаў Беларусі, паведамілі БЕЛТА ў прэс-службе прафсаюзаў вобласці.
Стартуе забег у 13.30 і пройдзе ў парку каля ракі Віцьба. У залежнасці ад узросту ўдзельнікам трэба будзе прабегчы 500 м або 1 км. "Галоўнай мэтай спаборніцтва з'яўляецца прыцягненне працоўных да сістэматычных заняткаў фізічнай культурай і наладжванне спартыўных сувязяў сярод прафсаюзных арганізацый", - адзначылі ў прэс-службе. Па выніках кроса лепшых узнагародзяць дыпломамі і каштоўнымі прызамі.
Забег прысвечаны 75-годдзю вызвалення Беларусі і 115-годдзю прафсаюзнага руху Беларусі. Яго арганізатарамі выступілі Віцебскае абласное аб'яднанне прафсаюзаў сумесна з абласным спартыўным клубам ФПБ.
