Электронны кірмаш вакансій пройдзе ў Віцебску
Электронны кірмаш вакансій пройдзе ў Віцебску 28 лістапада, паведаміла карэспандэнту БЕЛТА намеснік начальніка ўпраўлення па працы, занятасці і сацыяльнай абароне гарвыканкама Марына Будкевіч.
Пройдзе кірмаш з 10.00 да 12.00 на сайце e-vacancy.by. Грамадзяне змогуць задаць наймальнікам пытанні, накіраваць рэзюмэ, атрымаць электронную кансультацыю і запрашэнне на сумоўе ў рэжыме рэальнага часу.
Пакуль пра свой удзел у кірмашы заявілі некалькі прадпрыемстваў горада: Віцебскі футравы камбінат, філіял "Гарадскі электрычны транспарт. Віцебска" ААТ "Віцебскаблаўтатранс", ААТ "Веста", ТАА "Мадэрн-Экспа", школа-інтэрнат для дзяцей з парушэннем слыху і іншыя. "Служба занятасці будзе запрашаць яшчэ наймальнікаў. Фармат электроннага кірмашу зручны як для прадпрыемстваў, так і для суіскальнікаў", - сказала Марына Будкевіч.
У Віцебску ў канцы кастрычніка ў банку вакансій было больш за 2,3 тыс. прапановаў. Большасць з іх - рабочыя спецыяльнасці. Узровень зарэгістраванага беспрацоўя ў горадзе склаў 0,28%.