Амаль 30% выбаршчыкаў датэрмінова прагаласавалі ў Віцебскай вобласці
За чатыры дні датэрміновага галасавання на выбарах дэпутатаў Палаты прадстаўнікоў Нацыянальнага сходу сёмага склікання яўка выбаршчыкаў склала 27,5%. Такія дадзеныя размешчаны на сайце ЦВК, паведамляе БЕЛТА .
Па звестках Цэнтрвыбаркама, у Брэсцкай вобласці прагаласавалі 26,14% выбаршчыкаў ад агульнай колькасці ўключаных у спісы па рэгіёне. У Віцебскай вобласці яўка склала 29,43%, у Гомельскай - 29,96%, у Гродзенскай - 27,24%. У Мінскай вобласці на выбарчыя ўчасткі за чатыры дні датэрміновага галасавання прыйшлі 28,65% выбаршчыкаў, у Магілёўскай - 29,48%, у Мінску - 23,05%.
Усяго ў спісы выбаршчыкаў уключаны амаль як 6,9 млн чалавек. Датэрміновае галасаванне на выбарах стартавала 12 лістапада і будзе доўжыцца па 16 лістапада ўключна.