Паважаныя жыхары Дубровеншчыны!
Віншуем Вас З Днём Кастрычніцкай рэвалюцыі!
Нягледзячы на розныя сучасныя ацэнкі 7 лістапада 1917 года застаецца ў гісторыі знамянальнай датай. Дзякуючы Вялікай Кастрычнікай беларускі народ здабыў дзяржаўнасць, стварыў эканамічны і інтэлектуальны патэнцыял, збярог нацыянальную культуру. Людзі атрымалі права на працу, адукацыю, адпачынак, удзел у кіраванні краінай. Пачуццё гаспадара, адчуванне дачынення да лёсу краіны, магчымасць творчасці ў працы выклікалі масавы энтузіязм і самаадданасць, давалі нябачаныя вытворчыя вынікі.
Мы ідзем па шляху развіцця, у аснове якога - ідэалы міру, свабоды, раўнапраўя і справядлівасці. Беларусь стала пляцоўкай для мірных перамоваў і адкрыта для сяброўскіх сувязяў. Наша краіна не толькі захавала эканамічны, навуковы і культурны патэнцыял, які дастаўся ёй у спадчыну ад савецкай эпохі, але і прымножыла яго, выбраўшы уласны шлях развіцця. Мы не адмовіліся ад сацыяльных заваёў Вялікага Кастрычніка, не здрадзілi ідэалам раўнапраўя, справядлівасці, чалавекалюбства.
Аддаючы даніну павагі гістарычным падзеям, мы заклікаем захаваць адзінства ў рашучасці ўмацоўваць эканамічны базіс і грамадскую згоду ў нашай краіне і на гэтай аснове ствараць годныя ўмовы жыцця, забяспечваць шчаслівую будучыню нашым дзецям і ўнукам. Шчыра жадаем дубровенцам усіх пакаленняў здароўя, дастатку, прафесійнай заможнасці, плённай працы ў імя асабістага росквіту і на карысць любімай Радзімы!
Анатоль ЛУКАШОЎ,
старшыня Дубровенскага раённага выканаўчага камітэта.
Алена Ціханава,
старшыня Дубровенскага раённага Савета дэпутатаў.
Паважаныя жыхары Дубровенскага раёна!
Сардэчна віншую вас Днём Кастрычніцкай рэвалюцыі!
Нягледзячы на неадназначнасць гістарычных ацэнак, гэта яркая дата стала для нашага народа арыенцірам на святыя прынцыпы братэрства і раўнапраўя, служыць сімвалам вялікіх пераўтварэнняў і пераменаў да лепшага. Мы паважаем сваё мінулае, а для паспяховай пабудовы сучаснасці і будучыні бярэм лепшыя ідэі, народжаныя Кастрычнікам, - ідэі сацыяльнай справядлівасці і павагі да чалавека працы. І сёння свята Кастрычніка ў Рэспубліцы Беларусь адзначаецца адкрыццём новых прадпрыемстваў і арганізацый, аб'ектаў гандлю і паслуг. Ад усёй душы жадаю вам моцнага здароўя, аптымізму і вялікага чалавечага шчасця!
Аляксандр Дубаў,
дэпутат Палаты прадстаўнікоў Нацыянальнага сходу Рэспублікі Беларусі.
