Дубровенскі школьнік заваяваў Дыплом 2 ступені
У дзесяцікласніка сярэдняй школы №1 г.Дуброўна Мацвея Шайдарова любімыя раздзелы біялогіі - генетыка і біяхімія. Хоць гэтыя прадметы юнак яшчэ не вывучае ў рамках праграмы. Але ён з лёгкасцю вырашае генетычныя задачы, ведае хімічную прыроду рэчываў.
- Як усякая хутка развіваемая навука, скажам, біяхімія, неўзабаве пасля свайго ўзнікнення спачатку дзяліцца на шэраг адасобленых дысцыплін: біяхімія чалавека і жывёл, біяхімія раслін, біяхімія мікробаў і шэраг іншых, паколькі, нягледзячы на біяхімічнае адзінства ўсяго жывога, у жывёл і раслінных арганізмах існуюць і карэнныя адрозненні ў характары абмену рэчываў, - кажа Мацвей.
Ён - асоба творчая, цікавая і шматгранная. Па выніках абласнога этапу рэспубліканскай алімпіяды па біялогіі хлопец увайшоў у шасцёрку наймацнейшых і прывёз на малую радзіму Дыплом 2 ступені.
- Гэта дзякуючы майму настаўніку Святлане Уладзіміраўне Болахавай і маме - настаўніку хіміі і біялогіі, - падкрэслівае Мацвей.
Настаўнік жа біялогіі кажа: «Такіх таленавітых дзяцей пашукаць трэба. Ён схоплівае на лёце і чытае горы дадатковай літаратуры, каб атрымаць цікавую інфармацыю».
Біялёгіяй Мацвей захапіўся ў 8 класе. І адразу заняў 3 месца ў школьнай алімпіядзе. У 9 класе яму дасталася «бронза» раённай алімпіяды. А сёлета юнак скарыў сваімі ведамі - тэарэтычнымі і практычнымі - абласное журы.
- Было нялёгка, - адзначае Мацвей. - Трапляліся заданні, якія ўваходзяць у праграму ВНУ. Аднак напярэдадні мы са Святланай Уладзіміраўнай прарашалi масу заданняў папярэдніх алімпіяд. Гэта каласальная праца - канікул я не бачыў. Практычныя заданні - гэта праца з мікраскопам, схемамі. Увогуле, усё атрымалася. А для мяне чым больш складана - тым больш цікава.
Ужо цяпер Мацвей зрабіў прафесійны выбар - медыцына
Мы пажадаем Мацвею Шайдарову, каб усе пастаўленыя перад сабой задачы ён паспяхова вырашыў і дасягнуў мэтаў, пра якія марыць.
- Я ганаруся такім вучнем. І ўпэўнена, якую б сферу дзейнасці ні абраў юнак у галіне сваіх інтарэсаў і здольнасцяў, гэта будзе скупулёзным, адукаваны, адказны спецыяліст і добры чалавек, - кажа Святлана Болахава.
Вольга Лебедзева