Датэрміновае галасаванне: дзень другі
Святлана Вятошкіна віншуе Данілу Сакалова.
Дубровенцы прымаюць актыўны ўдзел у датэрміновым галасаванні. Гэта і зразумела: жнівеньскія выхадныя для жыхароў сельскай мясцовасці - гарачая пара: і ў гародах трэба паспець навесці парадак, і ў лес па грыбы-ягады зазірнуць, і да школы дзяцей падрыхтаваць. Вось і ў другі дзень датэрміновага галасавання ўчасткі не пуставалі. Так, на ўчастку №3 у г. Дуброўна першая палова дня прайшла пад знакам юнацтва і пераемнасці.
Віталiя Зіньковіч і яе мама Ірына Анатольеўна
Гарбачоўская Вікторыя і яе мама Іна Генадзьеўна.
На ўчастку, размешчаным у сярэдняй школе №2, упершыню рэалізавалі сваё канстытуцыйнае права Вікторыя Гарбачова, Віталiя Зіньковіч і Даніла Сакалоў. У памяць аб такой знамянальнай падзеі старшыня ўчастковай камісіі Святлана Веташкіна ўручыла маладым людзям буклет аб малой радзіме і каляндар-віншаванне ўпершыню галасаваўшым. Дарэчы, дзяўчаты былі на ўчастку для галасавання з мамамі, а Сакаловы прыйшлі аддаць свой голас усёй сям'ёй.