Дубровенцы, запрашаем на пешую экскурсію па горадзе Дуброўна

Турызм - гэта адзін з самых распаўсюджаных відаў актыўнага здаровага адпачынку і лічыцца, што Дзень турызму будзе спрыяць падтрыманню здароўя насельніцтва многіх краін. У многіх буйных гарадах 27 верасня праходзяць злёты турыстаў, цікавыя фестывалі, святы; школьнікі на чале з настаўнікамі праходзяць адмысловыя турыстычныя маршруты, адпачываюць на прыродзе.

На тэрыторыі Дубровенскага раёна размешчаны 92 помніка гісторыі і культуры, з іх 27 аб'ектаў унесены ў Дзяржаўны спіс гісторыка-культурных каштоўнасцяў Рэспублікі Беларусь. Сярод іх 2 помніка архітэктуры (дзеючая Свята-Траецкая царква і былы кляштар бэрнардынаў), 14 помнікаў, прысвечаных падзеям Вялікай Айчыннай вайны 1941-1945 гг. і 11 помнікаў археалогіі.

11 аб'ектаў Дзяржаўнага спісу гісторыка-культурных каштоўнасцей Рэспублікі Беларусь уключаны ў экскурсійныя маршруты па Дубровенскаму раёну, якія распрацаваны і праводзяцца музеем, транспарт прадастаўляецца аддзелам ідэалагічнай работы, культуры і па справах моладзі Дубровенскага райвыканкама.

Наведаўшы экскурсіі: «Архітэктура Дубровеншчыны», «Па месцах баявой славы», «Героі Вялікай Айчыннай вайны», «7 цудаў Дубровеншчыны» і «Па месцах археалагічных раскопак» вы пазнаёміцеся з гісторыяй Дубровенскага раёна.

Так, пабываўшы на экскурсіі «7 цудаў Дубровеншчыны», вы праедзеце па маршруце. Дуброўна - в.Вежкi - Кірэеўскi гай. Агледзіце помнік археалогіі ў вёсцы Вежкі, манастыр бернардынцаў, царкву Св.Жываначальнай Тройцы, гарадскі стадыён - месца правядзення Міжнароднага фестывалю песні і музыкі «Дняпроўскія галасы ў Дуброўне», наведайце маляўнічыя месцы на берагах ракі Днепр, пабываеце на крыніцы ў Кірэеўскiм гаі.

Экскурсія па месцах баявой славы Дубровенскага раёна з наведваннем гісторыка-краязнаўчага музея пасёлка Асінторф, а таксама мемарыяльнага комплексу «Рыленкі» знаёміць з гераічнымі падзеямі 1941-1945 гг. на тэрыторыі Дубровенскага раёна.

Гэту тэму працягвае экскурсія «Гісторыя пасёлка Асінторф», падчас якой можна падрабязней пазнаёміцца ​​з дзеючай экспазіцыяй у музеі Асінторф аб подзвігу маладзёжнага падполля і гісторыяй торфапрадпрыемства.

Экскурсія «Ад сініх кветак да кашуль дзетак» - наведванне вытворчасці і музея ААТ Дубровенскі льнозавод пазнаёміць з працэсам вырошчвання і апрацоўкі лёну ў Дубровенскім раёне.

У гонар Дня турызму 25 і 28 верасня запрашаем жадаючых на пешую экскурсію па горадзе Дуброўна (вул.Камсамольская, 10а, корпус музея). Група фармуецца да 10 чалавек (аплата ў адпаведнасці з напаўняльнасцю). А таксама запрашаем наведаць музей.

Павел Ляшкевіч,
старшы навуковы супрацоўнік Дубровенскага гісторыка-краеведчекого музея.

Усе навіны