Дубровенцы, будзьце ўважлівыя на дарозе

Зіма - экстрэмальная пара для кіроўцаў. А вяртанне сапраўднай зімы пасля месяца бясснежнага і цёплага надвор'я прывяло да вялікай колькасці дробных ДТЗ і тэхнічных праблемах з аўтамабілямі. Наперадзе, як прагназуюць сіноптыкі, яшчэ мінімум тыдзень маразоў і снегападаў. Аўтамабілісты і пешаходы ў гэты час павінны быць яшчэ больш уважлівымі і асцярожнымі на дарозе. Бяспека - асноўны крытэр граматнага кіравання. Ад умення кіроўцы падладжвацца пад складаныя дарожныя і ўмовы надвор'я залежыць не толькі яго жыццё, але і жыццё іншых удзельнікаў руху.

У сувязі з склаўшымiся ўмовамі надвор'я супрацоўнікі ДАІ працягваюць несці службу ва ўзмоцненым варыянце. Асаблівую ўвагу надаюць выяўленню нецвярозых кіроўцаў і пешаходаў, а таксама бяспраўнікаў.

Як паведаміў Станіслаў Кулiшкiн, старшы інспектар дарожна-патрульнай службы АДАІ Дубровенскага РАУС, аддзела ДАІ Дубровенскага РАУС на тэрыторыі раёна і г.Дуброўна штодня праводзяцца адпрацоўкі аўтадарог рэспубліканскага і мясцовага значэння.

Мерапрыемствы накіраваны на папярэджанне дарожна-транспартных здарэнняў з удзелам і па віне асоб, якія не маюць права кіравання транспартнымі сродкамі.

За 2020 год у Дубровенскім раёне затрымана больш як 295 «бяспраўных» вадзіцеляў транспартных сродкаў, 29 з іх прыцягваліся да адказнасці паўторна на працягу года.

Часта па віне такіх удзельнікаў дарожнага руху адбываюцца дарожна-транспартныя здарэнні.

Станіслаў Кулiшкiн звярнуўся да жыхароў раёна з просьбай: «Калі вы валодаеце інфармацыяй аб асобах, якія знаходзяцца за рулём транспартнага сродкі без пасведчання кіроўцы, патэлефануйце ў ДАІ або па тэлефоне 102. Бо кожны чалавек, які кіруе аўтамабілем, павінен мець на гэта дакумент - пасведчанне кіроўцы».

Кіроўцы, не забывайце аб павышаных мерах бяспекі на непрадказальнай зімовай дарозе, выбірайце бяспечную хуткасць руху з улікам стану праезнай часткі, павялічвайце дыстанцыю і бакавы інтэрвал, пазбягайце любых рэзкіх рухаў і манеўраў.

Не забывайце прышпільвацца, быць вельмі ўважлівымі пры праездзе пешаходных пераходаў.

Пешаходы, памятайце, што аўтамабіль на слізкай дарозе часам не мае тэхнічнай магчымасці своечасова спыніцца. Таму пераходзіце праезную частку толькі ва ўстаноўленых месцах, пераканаўшыся, што кіроўцы паспелі спыніцца.

У цёмны час сутак абявязкова вызначайце сябе святлоадбіўнымі элементамі.

Усе навіны