У сакавіку 2024 года працэнтныя стаўкі дэпазітна-крэдытнага рынку адносна лютага гэтага года змяніліся нязначна. Існуючы ўзровень працэнтных ставак падтрымліваў прывабнасць зберажэнняў у беларускіх рублях і крэдытную актыўнасць у эканоміцы. Аб гэтым сведчаць даныя, апублікаваныя на сайце Нацыянальнага банка, паведамляе БЕЛТА. Сярэдняя працэнтная стаўка па новых тэрміновых укладах (дэпазітах) фізічных асоб у беларускіх рублях у сакавіку 2024 года склала 9,66 працэнта гадавых. Па-ранейшаму найбольш прывабны ўзровень даходнасці банкі прапануюць па доўгатэрміновых рублёвых дэпазітах. Сярэдняя працэнтная стаўка па новых банкаўскіх укладах (дэпазітах) насельніцтва ў беларускіх рублях на тэрмін звыш года ў сакавіку 2024 года склала 12,23 працэнта гадавых. Прывабны ўзровень даходнасці па доўгатэрміновых укладах садзейнічае ўстойліваму прытоку ў банкі тэрміновых рублёвых дэпазітаў насельніцтва. За сакавік бягучага года яны павялічыліся на Br176,6 млн, або на 2,1 працэнта. За 12 месяцаў астатак тэрміновых рублёвых дэпазітаў фізічных асоб павялічыўся амаль на Br1,9 млрд, або на 27,7 працэнта, склаўшы на 1 красавіка 2024 года Br8,6 млрд. Сярэдняя працэнтная стаўка па новых крэдытах (без уліку льготных), прадастаўленых банкамі фізічным асобам у беларускіх рублях, у сакавіку 2024 года склала 9,86 працэнта гадавых. Для юрыдычных асоб сярэдняя працэнтная стаўка па новых рублёвых крэдытах (без уліку льготных) склаліся ў памеры 10,19 працэнта гадавых.