Дубровенский районный исполнительный комитет

15.11.2023

Лукашэнка спакойна паставіўся да адмовы Пашыняна прыехаць на саміт АДКБ у Мінск

Прэзідэнт Беларусі Аляксандр Лукашэнка спакойна паставіўся да адмовы прэм'ер-міністра Арменіі Нікола Пашыняна прыехаць на сесію Савета калектыўнай бяспекі АДКБ, якую плануецца правесці ў Мінску 23 лістапада. Аб гэтым заявіла журналістам прэс-сакратар кіраўніка беларускай дзяржавы Наталля Эйсмант.

Як вядома, 14 лістапада адбылася тэлефонная размова Аляксандра Лукашэнкі і Нікола Пашыняна. Бакі абмеркавалі сітуацыю на Каўказе, двухбаковыя адносіны і парадак дня маючага адбыцца саміту АДКБ.

Армянскі лідар ужо не першы раз адмаўляецца прымаць удзел у інтэграцыйных мерапрыемствах. Так, у кастрычніку ён прапусціў саміт СНД у Бішкеку.

Наталля Эйсмант дадала: "Прэзідэнт разумее, што гэта справа кіраўніка любой дзяржавы. Запрашэнне было адрасавана прэм'ер-міністру Арменіі гэтак жа, як і іншым кіраўнікам дзяржаў. Прэзідэнту Расіі, напрыклад, таксама ў час нядаўна праведзенай тэлефоннай размовы. Ён запрашэнне прыняў".

"Зыходзячы са свайго вопыту і ўчынкаў у такіх сітуацыях некаторых іншых вядомых палітыкаў, Прэзідэнт прапанаваў прэм'ер-міністру Арменіі не спяшацца, не прымаць паспешлівых рашэнняў, а сур'ёзна абдумваць наступныя крокі, якія могуць быць накіраваны на дэзынтэграцыю".