01.08.2024

Беларускія торфазаводы адкрываюць новыя рынкі збыту ў Кітаі

 

Беларускія торфазаводы адкрываюць новыя рынкі збыту ў Кітаі. Аб гэтым БЕЛТА расказалі ў ДВА "Белпалівагаз".

Генеральны дырэктар аб'яднання "Белпалівагаз" Аляксей Кушнарэнка ў Пекіне падпісаў пагадненне аб супрацоўніцтве з генеральным дырэктарам Heilongjiang Zhongju International Trade Co. Ltd Чжанам Імба аб пастаўках беларускай тарфяной прадукцыі ў Кітай аб'ёмам 4 тыс. т. Адгрузка будзе праведзена са складаў торфазаводаў "Глінка", "Туршоўка", "Віцебскторф" да канца 2024 года.

"Рэалізацыя дасягнутых дамоўленасцей - гэта значны крок да ўмацавання двухбаковага ўзаемавыгаднага супрацоўніцтва з нашымі кітайскімі партнёрамі. Павышаны інтарэс кампаніі пасля прымянення пробнай партыі айчыннай прадукцыі сведчыць аб высокай якасці беларускага торфу і яго запатрабаванасці на кітайскім рынку. У адпаведнасці з пагадненнем у 2025 годзе аб'ём паставак павялічыцца ў 10 разоў да 40 тыс.т. У далейшым мы плануем прадаўжаць развіваць гэты напрамак, паколькі супрацоўніцтва з кітайскімі кампаніямі мае стратэгічны характар не толькі для нашых прадпрыемстваў, але і для беларускай эканомікі ў цэлым", - адзначыў Аляксей Кушнарэнка.