Дубровенский районный исполнительный комитет

22.09.2023

Беларускія банкі змогуць удзельнічаць у валютных таргах у Расіі

Беларускія банкі змогуць удзельнічаць у валютных таргах у Расіі. Гэта вынікае з пастановы расійскага ўрада, якой зацверджаны пералік з больш як 30 дружалюбных і нейтральных краін, банкі і брокеры з якіх будуць дапушчаны да таргоў на расійскім валютным рынку, а таксама на рынку вытворных фінансавых інструментаў, паведамляе БЕЛТА.

Як гаворыцца ў матэрыялах на сайце ўрада РФ, у спіс увайшлі Беларусь, Азербайджан, Арменія, Кыргызстан, Таджыкістан, Туркменістан, Узбекістан, Алжыр, Бангладэш, Бахрэйн, Бразілія, Венесуэла, В'етнам, Егіпет, Індыя, Інданезія, Іран, Катар, Кітай, Куба, Малайзія, Марока, Манголія, Аб'яднаныя Арабскія Эміраты, Аман, Пакістан, Саудаўская Аравія, Сербія, Тайланд, Турцыя, Паўднёва-Афрыканская Рэспубліка.

Пастанова падрыхтавана для рэалізацыі новых норм федэральнага закона "Аб арганізаваных таргах", прынятага ў ліпені 2023 года. Гэтыя нормы накіраваны на павышэнне эфектыўнасці механізма прамой канверсацыі нацыянальных валют дружалюбных і нейтральных краін і фарміраванне прамых каціровак да рубля для задавальнення попыту расійскай эканомікі на разлікі ў нацыянальнай валюце.

Да прыняцця гэтых новаўвядзенняў удзельнічаць у валютных таргах у РФ маглі толькі расійскія рэзідэнты.