02.05.2025

Занятасць і кадры: сітуацыю на рынку працы абмяркоўвалі ў Дуброўне

Пытанням аказання садзейнічання ў працаўладкаванні і занятасці насельніцтва на Дубровеншчыне надаецца пільная ўвага, адзначыў спачатку пасяджэння райвыканкама кіраўнік раёна Анатоль Лукашоў.

Ён падкрэсліў, што на дзяржаўным узроўні робіцца вельмі шмат у гэтым напрамку, але самае важнае - гэта на месцах планамерна прадаўжаць палітыку ў гэтым напрамку.

- Сітуацыя з кадрамі - гэта найсур'ёзная тэма. Без працоўных рэсурсаў немагчымы эканамічны рост рэгіёна. Узровень заработнай платы павінен быць дастойным, каб чалавек мог утрымліваць сябе і сям'ю, - падкрэсліў Анатоль Лукашоў.

Рэалізацыя Дзяржаўнай праграмы "Рынак працы і садзейнічанне занятасці" на 2021-2025 гады ажыццяўляецца з дапамогай правядзення мер садзейнічання занятасці насельніцтва, стымулявання працоўнай занятасці і самазанятасці грамадзян, падтрымкі прадпрымальніцкай ініцыятывы, правядзення мерапрыемстваў, накіраваных на рэсацыялізацыю асоб, якія вядуць асацыяльны лад жыцця.

Пра гэта гаварыла ў сваім дакладзе начальнік упраўлення па працы, занятасці і сацыяльнай абароне Алеся Звяркова.

Даведачна

У 2024 годзе ва ўпраўленне па працы, занятасці і сацыяльнай абароне па садзейнічанне ў працаўладкаванні звярнуўся 581 чалавек, з іх 205 чалавек зарэгістраваны беспрацоўнымі. Аказана садзейнічанне ў працаўладкаванні на існуючыя вакансіі 510 грамадзянам, з іх 177 беспрацоўным.

У раёне прымаюцца ўсе неабходныя меры, накіраваныя на аказанне садзейнічання ў працаўладкаванні працаўнікоў.

Алеся Ігараўна падрабязна спынілася на выкананні паказчыкаў Праграмы і прааналізавала вынікі работы раёна ў гэтым напрамку за 2024 год.

Так, у мэтах стымулявання эканамічнай актыўнасці насельніцтва арганізуюцца сустрэчы з калектывамі, праводзяцца апытанні сярод работнікаў, якія вызваляюцца, тлумачыцца заканадаўства аб працы, праводзіцца кансультаванне аб паслугах, што аказваюцца службай занятасці.

- Штомесяц праводзяцца адрасныя мерапрыемствы з удзелам наймальнікаў. Усяго ў 2024 годзе праведзена 121 інфармацыйнае мерапрыемства, накіраванае на садзейнічанне ў працаўладкаванні, у тым ліку 25 "кірмашоў вакансій" (з іх 12 - у электронным выглядзе), 27 "дзён прадпрыемства", апублікавана 69 матэрыялаў у СМІ.

У 2024 годзе створана 8 працоўных месцаў, арганізаваны аплатныя грамадскія працы для 118 чалавек, з іх для 33 беспрацоўных. Колькасць насельніцтва, занятага ў эканоміцы раёна, у студзені - снежні 2024 г. склала 5464 чалавек, - прывялі лічбы начальнік упраўлення.

Далей яна адзначыла, што для ўцягвання ў працоўную дзейнасць эканамічна неактыўнага насельніцтва асаблівая ўвага надаецца грамадзянам уразлівых катэгорый.

— Ім даюцца дадатковыя гарантыі ў галіне садзейнічання занятасці насельніцтва: рашэннем Дубровенскага раённага выканаўчага камітэта забраніравана 74 працоўныя месцы. Для прыёму на працу для бацькоў у шматдзетных і няпоўных сем'ях - на 4 працоўных месцаў, упершыню шукаючым працу ва ўзросце да 21 года – 5, дзяцей-сірот, дзяцей, якія засталіся без апекі бацькоў, асоб з ліку дзяцей-сірот і дзяцей, якія засталіся без апекі бацькоў – 4, асоб перадпенсійнага ўзросту – 4, вайскоўцаў, звольненых з ваеннай службы, – 4, вызваленых з месцаў пазбаўлення волі – 11, інвалідаў – 9 працоўных месцаў, абавязаныя асобы — 33, — сказала выступоўца.

У мэтах павышэння канкурэнтаздольнасці грамадзян на рынку працы пры садзейнічанні ўпраўлення па працы на прафесійную падрыхтоўку беспрацоўных у 2024 годзе было накіравана 7 чалавек, выдзелена з бюджэту 2 832,97 рублёў. Аказаны прафарыентацыйныя паслугі 342 звярнуўшымся грамадзянам. На новае месца жыхарства і працы пры фінансавай падтрымцы пераселена адна сям'я беспрацоўных.

Аднак Алеся Ігараўна нагадала, што ў раёне адзначаецца дэфіцыт работнікаў па асобных прафесіях: вадзіцелі аўтамабіля, прадаўцы, аператары машыннага даення, трактарысты, урачы, фельчар, медыцынскія сёстры, ветэрынарныя урачы (галоўныя ветэрынарныя урачы), заатэхнікi (галоўныя аграномы). Найбольшая колькасць свабодных працоўных месцаў заяўлена прадпрыемствамі сельскай гаспадаркі - 57,8 працэнта. Таксама яна адзначыла, што 45 вакансій заяўлены з прадастаўленнем жылля.

Важны аспект, які абмяркоўваецца на пасяджэнні - прыток маладых кадраў на рынак працы.

— Штогод у раёне праводзяцца сустрэчы з маладымі спецыялістамі, ім расказваюць аб магчымасцях кар'ернага росту і перспектывах. Гэта дзейсны метад. Але працаваць з маладымі кадрамі нам трэба пачынаць яшчэ на стадыі выбара прафесіі. Таксама важна замацаваць на працоўных месцах моладзь. На думку кіраўніка раёна, БРСМ і прафсаюз павінны быць сувязным звяном паміж маладымі спецыялістамі і наймальнікамі. Беспрацоўных, якія стаяць на ўліку, у раёне няшмат, а вакансій дастаткова. Мы павінны шанаваць нашы кадры. Калі кіраўнік не можа даць добрыя ўмовы працы і заработную плату, то гэтае пытанне трэба вырашаць, - лічыць Анатоль Лукашоў.

На пасяджэнні было ўзнята пытанне кадравага забеспячэння арганізацый, маніторынгу кадравых перамяшчэнняў і асноўных прычын звальненняў работнікаў.

Надалі ўвагу на пасяджэнні райвыканкама і яшчэ аднаму важнаму аспекту - паляпшэнне ўмоў і ахова працы ў арганізацыях і на прадпрыемствах. У заключэнне былі зацверджаны задачы па далейшай рэалізацыі Праграмы і зроблена выснова, што мерапрыемствы па садзейнічанні занятасці насельніцтва і прымаемыя меры дазволілі ў цэлым забяспечыць выкананне пастаўленых задач на 2024 год.

dubrovno.by