07.05.2025

У Зарубскім сельвыканкаме прыём грамадзян правёў член Савета Рэспублікі Нацыянальнага сходу Рэспублікі Беларусь

У Зарубскім сельвыканкаме прыём грамадзян і прадстаўнікоў юрыдычных асоб правёў член Савета Рэспублікі Нацыянальнага сходу Рэспублікі Беларусь Барыс Ціхаміраў.

На прыём звярнуліся грамадзяне з пытаннямі паляпшэння якасці водазабеспячэння, добраўпарадкавання. Таксама Барыс Ціхаміраў цікавіўся развіццём інфраструктуры аграгарадка і магчымасцю падключэння прыватных жылых дамоў да электраацяплення. Пасля завяршэння прыёму Барыс Ціхаміраў наведаў Зарубскую амбулаторыю. Старшыня Дубровенскага раённага Савета дэпутатаў Алена Ціханава падрабязна расказала аб медабслугоўванні вяскоўцаў. Работнікі амбулаторыі паказалі кабінеты, дзе жыхары Заруб і прылеглых вёсак могуць атрымаць кансультацыі ўрача, прайсці медыкаментознае і фізіялячэнне. Барыс Ціхаміраў адзначыў добрую аснашчанасць медустановы, а таксама адказаў на хвалюючыя вяскоўцаў пытанні.

dubrovno.by