10.03.2025

У Дуброўне стартавала рэспубліканская прафілактычная акцыя "Дом без гвалту!"

З 10 сакавіка па 16 сакавіка бягучага года аддзел унутраных спраў Дубровенскага райвыканкама сумесна з зацікаўленымі дзяржаўнымі ведамствамі і грамадскімі аб'яднаннямі праводзіць рэспубліканскую прафілактычную акцыю "Дом без гвалту!".

Спецыялісты органаў унутраных спраў, аддзелаў працы і сацыяльнай абароны, адукацыі, аховы здароўя, а таксама розных грамадскіх арганізацый правядуць рэйды і індывідуальную работу, праінфармуюць грамадзян аб прававых нормах, якія дзейнічаюць у гэтай галіне; дапамозе, якая аказваецца ахвярам гвалту; рабоце тэлефонаў гарачых ліній.

"Дом без гвалту!" дазволіць прыцягнуць увагу насельніцтва, усіх зацікаўленых бакоў да праблемы, пашырыць магчымасці па аказанні дапамогі ахвярам гвалту ў сям'і і меры ўздзеяння да правапарушальнікаў.

За здзяйсненне правапарушэнняў, якія здзяйсняюцца ў сферы хатняга гвалту, правапарушальнікі могуць быць прыцягнутыя як да крымінальнай, так і і да адміністрацыйнай адказнасці. А ў адпаведнасці з новаўвядзеннямі ў заканадаўства ў дадзенай сферы, толькі за здзяйсненне супрацьпраўных дзеянняў правапарушальнік можа быць выселены з жылля на некаторы час, пры гэтым прыналежнасць жылля або права ўласнасці не гуляе ролі.

Для аказання дапамогі ахвярам гвалту ў г.  Дуброўна функцыянуе "крызісны пакой", дзе ахвяр сямейнага гвалту не толькі выслухаюць, пракансультуюць, але і, пры неабходнасці, дадуць начлег. Больш падрабязную інфармацыю можна атрымаць па тэлефонах: 5-28-01 (з 08.00-13.00, 14.00-17.00).

Паважаныя грамадзяне! Без вашай актыўнай пазіцыі ў пытаннях папярэджання правапарушэнняў у сферы сямейна-бытавых адносін, дзяржаўныя органы на сто працэнтаў дадзеную праблему не вырашаць. Калі вам стала вядома аб тым, што ў той ці іншай сям'і склалася неспрыяльная абстаноўка, узнікаюць канфліктныя сітуацыі, члены сям'і злоўжываюць спіртнымі напоямі, дзеці знаходзяцца ў сацыяльна-небяспечным становішчы, паведаміце дадзеную інфармацыю ў Дубровенскі РАУС.

Таксама пры неабходнасці можна звярнуцца на прыём да ўчастковага інспектара міліцыі, які ажыццяўляецца кожную сераду з 10 да 13 гадзін у сельвыканкамах і з 17 да 20 гадзін у г. Дуброўне.

Калі вы падвяргаецеся гвалту ў сям'і, вы можаце звярнуцца у тэрытарыяльны цэнтр сацыяльнага абслугоўвання насельніцтва па тэлефоне: 5-28-01, а таксама ў аддзел унутраных спраў Дубровенскага райвыканкама па тэлефонах: 4-10-02, 5-40-98, МТС 513-00-02, А1 175-35-03, альбо па тэлефоне 102.

Марыя СЕЛЯЗНЁВА, старшы інспектар прафілактыкі ААПП Дубровенскага РАУС.

dubrovno.by