17.03.2025

У Дубровенскім РАУС прайшоў Дзень прафарыентацыі

На гэты раз гасцямі дубровенскіх праваахоўнікаў былі выхаванцы патрыятычнага клуба "Сокал", які працуе пры Дубровенскім аграрна-тэхнічным каледжы.

Намеснік начальніка РАУС па ідэалагічнай рабоце і кадравым забеспячэнні Аляксандр Мацвееў пазнаёміў гасцей з гісторыяй, структурай і функцыямі РАУС. Затым падрабязна расказаў юнакам аб тым, як можна паступіць на службу і ў профільныя навучальныя ўстановы МУС.

- Кожны, хто выбірае службу ў органах унутраных спраў, робіць усвядомлены крок да высакароднай справы па абароне жыцця і здароўя грамадзян, інтарэсаў грамадства і дзяржавы ад злачынных і іншых супрацьпраўных замахаў. На службу ў органы ўнутраных спраў прымаюцца грамадзяне ва ўзросце да 28 гадоў, якія маюць агульную сярэднюю, прафесійна-тэхнічную, сярэднюю спецыяльную або вышэйшую адукацыю (у залежнасці ад меркаванай пасады). Якія не прыцягваліся да крымінальнай адказнасці. Прызнаныя ваенна-урачэбнай камісіяй прыдатнымі да службы ў органах унутраных спраў. Самае галоўнае — здольныя па сваіх маральных і дзелавых якасцях выконваць задачы па абароне жыцця, здароўя, гонару, годнасці, правоў, свабод і законных інтарэсаў грамадзян, інтарэсаў грамадства і дзяржавы ад злачынных і іншых супрацьпраўных замахаў, — акцэнтаваў увагу слухачоў Аляксандр Мацвееў і паведаміў, што падрыхтоўку кваліфікаваных спецыялістаў для органаў унутраных спраў у вочнай форме навучання ажыццяўляюць дзве ведамасныя вышэйшыя навучальныя ўстановы нашага міністэрства: установа адукацыі "Акадэмія МУС Рэспублікі Беларусь" і ўстанова адукацыі "Магілёўскі інстытут МУС Рэспублікі Беларусь". Пасля заканчэння выпускнікі міліцэйскіх ВНУ атрымліваюць дыплом аб вышэйшай юрыдычнай адукацыі з прысваеннем кваліфікацыі "юрыст" або "юрыст з веданнем эканомікі", а таксама загадам Міністра ўнутраных спраў ім прысвойваецца першае афіцэрскае спецыяльнае званне "лейтэнант міліцыі".

Адбор абітурыентаў ажыццяўляецца ў адпаведнасці з нарматыўнымі актамі Міністэрства ўнутраных спраў. Праводзіцца папярэдняе вывучэнне, спецыяльная праверка і медыцынскі агляд кандыдатаў. Ёсць узроставыя абмежаванні: у год паступлення кандыдату павінна быць не менш за 17 гадоў і не больш за 25. Жадаючым атрымаць міліцэйскую прафесію неабходна звярнуцца ў тэрытарыяльны орган унутраных спраў да 15 красавіка. На дзённую форму навучання могуць паступаць грамадзяне, якія маюць агульную сярэднюю, прафесійна-тэхнічную або сярэдне-спецыяльную адукацыю. Тэрмін навучання на дзённай форме навучання 4 гады, на завочнай - 5 гадоў. Кандыдатаў суправаджаюць да паступлення, дапамагаюць сабраць неабходныя дакументы.

- Спадзяюся, што сённяшняя экскурсія дапамагла вам паглядзець на службу ў міліцыі па-іншаму, і, магчыма, нехта з вас у хуткім часе стане з намі ў адным страі, - выказаў надзею Аляксандр Мацвееў у заключэнне сустрэчы.

dubrovno.by