02.05.2025

У Дубровенскім раёне ўведзена забарона на наведванне лясоў

Забароны на наведванне лясоў уведзены ў 45 раёнах Беларусі. Гэта вынікае з дадзеных інтэрактыўнай карты Міністэрства лясной гаспадаркі.

Забароны ўведзеныя на тэрыторыі ўсіх раёнаў Гомельскай вобласці, а таксама ў Бялыніцкім, Бабруйскім, Быхаўскім, Глускім, Кіраўскім, Клімавіцкім, Клічаўскім, Касцюковіцкім, Краснапольскім, Крычаўскім, Круглянскім, Магілёўскім, Мсціслаўскім, Асіповіцкім, Слаўгарадскім, Хоцімскім, Чавускім, Чэрыкаўскім раёнах Магілёўскай вобласці. Забаронены наведваннi лясоў у Ляхавіцкім і Баранавіцкім раёнах Брэсцкай вобласці, а таксама ў Дубровенскім, Аршанскім і Талачынскім раёнах Віцебскай вобласці, Слуцкім раёне Мінскай вобласці.

У шасці раёнах краіны знятыя абмежаванні: у Драгічынскім раёне Брэсцкай вобласці, Бераставіцкім, Свіслацкім, Ваўкавыскім і Мастоўскім раёнах Гарадзенскай вобласці, а таксама ў Мiнскім раёне.

На тэрыторыі астатніх раёнаў краіны ўведзены абмежаванні.

Аператыўна адсочваць дадзеныя аб увядзенні мер абмежавальнага характару можна на размешчанай на афіцыйным сайце Мінлясгаса карце забарон і абмежаванняў на наведванне лясоў, а таксама праз тэлеграм-бот "Лес. Забарона". Інфармацыю можна ўдакладніць і ў мясцовых лесагаспадарчых установах. Інтэрактыўная карта абнаўляецца ў анлайн-рэжыме, таму перад наведваннем лясных масіваў варта азнаёміцца з сітуацыяй.

dubrovno.by