08.07.2026

У аг. Дабрынь адкрылі стацыянарны сацыяльны пункт ТЦСАН Дубровенскага раёна

Напярэдадні Дня Незалежнасці Рэспублікі Беларусь, у дні святкавання 82-й гадавіны вызвалення Дубровенскага раёна ад нямецка-фашысцкіх захопнікаў адбылося ўрачыстае адкрыццё стацыянарнага сацыяльнага пункта ТЦСАН Дубровенскага раёна ў аграгарадку Дабрынь. Гэта стала значнай падзеяй для жыхароў аграгарадка і навакольных вёсак.

Намеснік старшыні Дубровенскага райвыканкама Святлана Рыжанская павіншавала жыхароў з Днём Незалежнасці Рэспублікі Беларусь і, звяртаючыся да прысутных, падкрэсліла, што стварэнне гэтага пункта з'яўляецца адказам на запыт і ініцыятыву мясцовага насельніцтва. Яна падзякавала старшыні Дабрынскага сельсавета Аляксандру Рабчыкаву за падтрымку гэтай ініцыятывы, што дазволіла перапрафіляваць адно з памяшканняў былой школы і падарыць пажылым жыхарам аграгарадка магчымасць збірацца разам, каб незалежна ад узросту развівацца і паляпшаць свой жыццёвы патэнцыял.

Удзельнічаючы ў цырымоніі пераразання стужачкі, начальнік упраўлення па працы, занятасці і сацыяльнай абароне Дубровенскага райвыканкама Алеся Звяркова адзначыла важнасць прасоўвання сацыяльных паслуг у аддаленых населеных пунктах раёна для забеспячэння іх крокавай даступнасці.

Таццяна Кір'янава, дырэктар ТЦСАН, уручыла сімвалічны ключ работніку сацыяльнага пункта Таццяне Блізняковай, які адкрыў не толькі дзверы кабінета, але і магчымасць тут, на месцы, своечасова атрымаць неабходную сацыяльную дапамогу. Дырэктар ТЦСАН распавяла жыхарам аб напрамках дзейнасці новага сацыяльнага пункта, падкрэсліўшы, што дапамога стала бліжэй да людзей, якія маюць патрэбу ў ёй, і самае галоўнае — работа на месцы дазволіць своечасова выяўляць грамадзян, якія маюць патрэбу ў вырашэнні праблемных сітуацый, аператыўна і адрасна падаючы сацыяльную падтрымку.

Па традыцыі новаму сацыяльнаму аб'екту былі ўручаны падарункі: ад ААТ "Дубровенскі льнозавод"  — сертыфікат на набыццё спортінвентара, ад раённага аддзялення Беларускай партыі "Белая Русь" — музычнае абсталяванне, ад ТЦСАН — інвентар для правядзення заняткаў па рэабілітацыі.

Адкрыццё пункта стала сапраўдным святам для аграгарадка. Працавалі тэматычныя пляцоўкі і выстава-продаж работ людзей з інваліднасцю. А работнікі Дабрынскага СДК падрыхтавалі яркую святочную праграму.

dubrovno.by