16.09.2026

Урок да Дня народнага адзінства пройдзе ў школах Беларусі 17 верасня

У школах Беларусі 17 верасня пройдзе ўрок, прысвечаны Дню народнага адзінства. Такая інфармацыя размешчана на Нацыянальным адукацыйным інтэрнэт-партале, паведамляе БЕЛТА.

Урок пройдзе ў рамках праграмы "Я. Мая сям'я. Мая Радзіма" і накіраваны на фарміраванне ў вучняў паважлівага стаўлення да гістарычнага мінулага Беларусі, разумення значэння Дня народнага адзінства і важнасці адзінства беларускага народа для забеспячэння нацыянальнай бяспекі.

У дзяцей малодшага школьнага ўзросту пераважае эмацыйна-пачуццёвае ўспрыманне свету, таму ўрок для іх рэкамендавана арганізаваць у форме завочнага падарожжа, тэматычнай гутаркі, прагляду і абмеркавання мультфільма, відэасюжэтаў, можна арганізаваць праслухоўванне музычных твораў. На II ступені агульнай сярэдняй адукацыі акцэнт у правядзенні ўрока будзе зроблены на гісторыі свята, яго агульнанацыянальнай значнасці і кансалідуючай ролі ў гісторыі дзяржавы і сучаснага жыцця беларускага грамадства. Старшакласнікам настаўнікі раскажуць аб асноўных напрамках міралюбнай палітыкі Беларусі, прымаемых дзяржавай мерах па забеспячэнні нацыянальнай бяспекі.

Усе інфармацыйна-метадычныя матэрыялы (матрыцы, прэзентацыі, заданні) для педагогаў, якія рэкамендуецца выкарыстоўваць пры канструяванні ўрока, размешчаны на нацыянальным адукацыйным партале.

dubrovno.by