26.03.2025

Умацавання дарожнага пакрыцця да садовага таварыства "Лугаўцы" — на кантролі кіраўніцтва Дубровенскага раёна

З пачаткам дачнага сезона адной з актуальных тэм, якія хвалююць жыхароў раёна, застаецца пытанне ўмацавання дарожнага пакрыцця да садовага таварыства "Лугаўцы".

Гэтае пытанне пракаментаваў намеснік старшыні Дубровенскага райвыканкама Аляксандр Шатраўка. 

- У канцы мінулага года ва ўрочышчы Лугаўцы філіялам Дубровенскае ДРБУ № 108 адкрыты кар'ер па здабычы пяску. Пад'езд да кар'ера часткова праходзіць па дарозе да СТ "Лугаўцы". Вялікагрузныя машыны ў дзень робяць каля 70 рэйсаў.  У міжсезонне, з надыходам так званай "вясновай бездаражы", дарожнае пакрыццё не вытрымлівае такіх нагрузак. Але дарожныя службы робяць ўсё неабходнае, каб мінімізаваць нязручнасці жыхароў, — адзначыў Аляксандр Аляксеевіч.

Ён растлумачыў, што ўмацаванне дарожнага пакрыцця праводзіцца на пастаяннай аснове. Вось і ў гэтым сезоне для ўмацавання дарогі праведзена падсыпка самых праблемных участкаў, а таксама грэйдзіраванне. 

Гэтае пытанне знаходзіцца на пастаянным кантролі кіраўніцтва раёна.

dubrovno.by