19.03.2025

ТЦСАН Дубровенскага раёна - зноў сярод лідараў у вобласці і лепшых - у рэспубліцы

ТЦСАН Дубровенскага раёна па рэйтынгавай ацэнцы вынікаў 2024 года заняў 2 месца па вобласці (з 25) і 4 месца па рэспубліцы (з 146) дзякуючы плённай, эфектыўнай рабоце калектыву. У гэтыя дасягненні ўкладзена адказнасць і якасць працы кожнага работніка.

Падставіць плячо, дапамагчы чалавеку ў цяжкай жыццёвай сітуацыі — першарадная задача тэрытарыяльнага цэнтра сацыяльнага абслугоўвання насельніцтва. Сацыяльнае абслугоўванне і сацыяльную падтрымку грамадзянам, якія патрабуюць павышанай увагі, прадастаўляюць пяць аддзяленняў ТЦСАН Дубровенскага раёна, дзе на ўліку стаяць 5798 жыхароў. Сфера сацыяльнага абслугоўвання прадстаўлена трыма аб'ектамі, якія забяспечваюць, у тым ліку, кругласутачнае і дзённае знаходжанне пажылых грамадзян і інвалідаў, і 7 арэнднымі аб'ектамі для размяшчэння "сацыяльнай цырульні", "крызіснага пакоя", пяццю стацыянарнымі сацыяльнымі пунктамі. Колькасць грамадзян, ахопленых сацыяльным абслугоўваннем, вырасла на 112,54% да ўзроўню 2023 года.

501 непрацаздольны пажылы грамадзянін атрымаў на даму паслугі сацыяльных работнікаў, сядзелак, няні. 37 чалавек атрымалі дапамогу ў аддзяленні кругласутачнага знаходжання. Сацыяльныя паслугі ў замяшчаючых сем'ях, з выплатай узнагароды памочніку, атрымліваюць 7 інвалідаў I групы і двое пажылых грамадзян. Усяго з пачатку рэалізацыі дадзенай формы абслугоўвання дапамогу атрымалі 14 чалавек з інваліднасцю. Дарэчы, у сярэднім па вобласці гэты паказчык складае крыху больш за пяць чалавек.

Працуюць два аддзяленні цэнтра, якія забяспечваюць дзённае знаходжанне для інвалідаў і грамадзян пажылога ўзросту, якія на пастаяннай аснове наведалі ў 2024 годзе 160 чалавек (118% да ўзроўню 2023 года). З мэтай забеспячэння даступнасці сацыяльнага абслугоўвання для жыхароў сельскіх населеных пунктаў працуюць пяць стацыянарных сацыяльных пунктаў з штодзённым рэжымам работы (адзін адкрыты ў другім паўгоддзі 2024 года), "сацыяльныя прыёмныя" з выязной формай работы, гаспадарчая і мабільная брыгады, спецрэйс, аказваюцца разавыя сацыяльныя паслугі.

- За гады працы супрацоўнікі ТЦСАНа сталі сваім падапечным блізкімі людзьмі, - адзначае дырэктарка ўстановы Таццяна Кір'янава. - І нам вельмі хочацца, каб кожнага, каму патрэбны асаблівая падтрымка і ўвага, сагравала дабрыня навакольных, не было вакол абыякавасці да чужога болю.

А максімальная патрабавальнасць да сябе і калег, інавацыйныя падыходы і імкненне да далейшага развіцця сацыяльна-працоўнай сферы дазволяць рэалізаваць пастаўленыя задачы і ў 2025 годзе, дасягнуць новых перамог!

Алена Корсакава.

dubrovno.by