19.03.2025

Стартаваў рэспубліканскі конкурс па добраўпарадкаванні і азеляненні тэрыторый "Упрыгожым Беларусь кветкамі"

Пра гэта паведамілі ў Рэспубліканскім цэнтры экалогіі і краязнаўства.

"У 2025 годзе, у Год добраўпарадкавання, асабліва важна праявіць свае таленты праз стварэнне і рэалізацыю праектаў па азеляненні. Да ўдзелу запрашаюцца педагогі і навучэнцы 10-16 гадоў устаноў агульнай сярэдняй адукацыі і дадатковай адукацыі дзяцей і моладзі", — распавялі ў цэнтры.

Конкурс праводзіцца ў завочнай форме па наступных намінацыях: "Мая школа" (стварэнне партэрнага кветніка на тэрыторыі школы), "Экасад" (рэканструкцыя старых кветнікаў на тэрыторыі ўстаноў дадатковай адукацыі дзяцей і моладзі), "Дзіцячыя мары" (стварэнне праекта тэматычнага кветніка для дзіцячага аздараўленчага лагера), "Кветнік з нацыянальным характарам" (рэалізацыя праекта кветніка ў ландшафтным стылі).

Арганізатарамі конкурсу, які будзе праходзіць з сакавіка па лістапад, з'яўляюцца: Міністэрства адукацыі, Рэспубліканскі цэнтр экалогіі і краязнаўства, структурныя падраздзяленні абласных (Мінскага гарадскога) выканаўчых камітэтаў.

Пераможцы і прызёры конкурсу будуць узнагароджаны дыпломамі Міністэрства адукацыі і Рэспубліканскага цэнтра экалогіі і краязнаўства.

Больш падрабязна аб умовах конкурсу можна даведацца на сайце цэнтра.

Па матэрыялах БЕЛТА.

dubrovno.by