18.03.2025

З 17 па 31 сакавіка 2025 года на тэрыторыі Дубровенскага раёна праводзіцца комплекс прафілактычных мерапрыемстваў на аб'ектах чыгуначнага транспарту

Мэтай дадзеных мерапрыемстваў з'яўляецца прафілактыка траўматызму, дарожна-транспартных здарэнняў з удзелам аўтамабільнага і чыгуначнага транспарту, у тым ліку фактаў рабаванняў, крадзяжоў, хуліганстваў, махлярстваў, апаганьвання збудаванняў і псуты маёмасці на чыгуначным транспарце і аб'ектаў транспартнай інфраструктуры, а таксама папярэджанне і недапушчэнне правапарушэнняў, якія ствараюць пагрозу бяспечнаму руху цягнікоў.

Дубровенскі РАУС нагадвае пра адказнасць за злачынствы і правапарушэнні на аб'ектах чыгуначнай інфраструктуры.

Супрацоўнікі міліцыі заклікаюць грамадзян не заставацца ўбаку, няўхільна выконваць меры засцярогі і нагадаць правілы бяспекі сваім родным і блізкім.

Інспектары ДАІ заклікаюць аўтамабілістаў выконваць правілы перасячэння чыгуначных шляхоў.

Пры пад'ездзе да чыгуначнага пераезду кіроўца абавязаны пераканацца ў адсутнасці надыходзячага чыгуначнага транспарту і кіравацца патрабаваннямі дарожных знакаў, святлафораў, дарожнай разметкі, становішчам шлагбаўма, гукавым сігналам і ўказаннямі дзяжурнага па чыгуначным пераездзе.

Парушэнне асобай, якая кіруе транспартным сродкам, правілаў праезду чыгуначнага пераезду цягне накладанне штрафу.

Паважаныя дарослыя! Набліжаюцца вясновыя канікулы! Не пакідайце дзяцей без нагляду на пасадачных платформах і ў вагонах!

Пераканаўча заклікаем вас нагадаць непаўналетнім правілы бяспекі на чыгуначных аб'ектах. Катэгарычна забараняецца: кідаць прадметы ў рухомы састаў; пашкоджваць аб'екты інфраструктуры чыгуначнага транспарту, класці на чыгуначныя шляхі староннія прадметы; праходзіць па чыгуначным пераездзе пры забараняючым сігнале святлафора; падлазіць пад вагоны саставу; ладзіць на платформе рухомыя гульні.

dubrovno.by