11.08.2025

Атрад тысячнікаў расце на Дубровеншчыне

На поле ля Чыжоўскага возера мы прыехалі разам з начальнікам упраўлення па сельскай гаспадарцы і харчаванні Аляксандрам Карнеевым і старшынёй райкама прафсаюза работнікаў АПК Аляксандрам Малянковым.

Пад збіраючымiся з усіх бакоў хмарамі роўнымі валкамі рассцілаліся палосы саломы ад сжатай пшаніцы. Камбайнеры, пазіраючы на неба, акуратна спяшаліся. Менавіта акуратна, не марнуючы на староннія справы ні хвіліны, але не перавышаючы дапушчальнай хуткасці жніва ва ўмовах канкрэтнага поля. За ходам жніва сачыў аграном ААТ "Якубава-Агра" Аляксандр Буланаў. Ён у цэлым пазначаў, што нагрузка на кожны з чатырох камбайнаў гаспадаркі вялікая, але работнікі стараюцца, працуюць не пакладаючы рук. І пацвярджэнне таму лідарства камбайнераў сельгаспрадпрыемства на жніве. Вось і першым дарослым экіпажам камбайна, які намалаціў тысячу тон збожжа ў раёне сталі хлебаробы гэтай гаспадаркі. Віншаванні прымалі Аляксей Астапенка і яго памочнік Данііл Шэндрык, а таксама Дзмітрый Шумель.

Віншуючы з поспехам хлебаробаў, Аляксандр Карнееў падзякаваў ім за ўдарную працу і пажадаў добрага надвор'я і спакойнага працягу жніва. Аляксандр Малянкоў уручыў тысячнікам дыпломы і прэміі ад райкама прафсаюза работнікаў АПК. Прыемнай нечаканасцю для Аляксея Астапенкі стала ўручэнне грашовага сертыфіката ад райкама прафсаюза ў рамках акцыі "Дзеці ідуць у школу".

- Аляксей Астапенка выхоўвае са сваёй жонкай траіх дзяцей: дачцы 4 гады, а сынам 8 і 10 гадоў. Цяпер, вядома, таце застаецца трохі часу для зносін з дзецьмі, але спадзяемся, што дапамога прафсаюза дапаможа сям'і паўнавартасна падрыхтавацца да новага навучальнага года, — адзначыў Аляксандр Малянкоў.

Кароткая цырымонія ўзнагароджання скончылася, і пераможцы паспяшаліся ў кабіны камбайнаў, каб пазмагацца з хмарамі за чарговыя намалоты. Хай надвор'е дапаможа нашым землярыбам сабраць кожны каласок, хай тэхніка працуе бесперабойна і не вычэрпваецца працоўны запал.

dubrovno.by