15.04.2025

Эстафета добраўпарадкавання

Дубровенцы актыўна ўключыліся ў навядзенне парадку ў населеных пунктах.

Асаблівая ўвага надаецца навядзенню парадку на брацкіх пахаваннях. Так, на воінскіх пахаваннях у вёсках Ірвеніца і Баева прайшлі суботнікі, арганізаваныя работнікамі цэнтра па забеспячэнні дзейнасці бюджэтных арганізацый.

Па ініцыятыве дэпутатаў Маласавінскага сельскага Савета дэпутатаў 4 красавіка быў праведзены суботнік пад кіраўніцтвам старшыні сельвыканкама Віктара Кахноўскага па ўборцы грамадзянскіх могілак у аграгарадку Ерамееўшчына.

Работнікі культуры і мясцовыя жыхары плённа папрацавалі і прывялі ў парадак месцы пахавання.

Працягваюцца суботнікі на воінскіх пахаваннях. Зарубскі сельвыканкам і навучэнцы школы наводзяць парадак у аг. Зарубы ля помніка загінуўшым салдатам Савецкай Арміі.

dubrovno.by