18.03.2025

Браць на сябе адказнасць

Старшыня раённага штаба добраахвотных дружын Святлана Рыжанская падкрэсліла, што ў Канстытуцыі Беларусі дэкларуецца права і абавязак кожнага грамадзяніна быць сацыяльна адказным, уносіць пасільны ўклад у развіццё грамадства і дзяржавы, берагчы гісторыка-культурную і духоўную спадчыну.

Вялікую ролю ў гэтым гуляюць менавіта добраахвотныя дружыны, таму знакава, што менавіта ў Дзень Канстытуцыі атрад дубровенскіх дружыннікаў стаў больш.

Сярод тых, хто ўключыўся ў падтрыманне грамадскага парадку Алена Буш, ідэолаг СХФ ім. Ю. Смірнова.

- Я лічу, што кожны грамадзянін краіны павінен быць адказным за тое, каб у нашых населеных пунктах была камфортная атмасфера суседства, спрыяльная для працы і зносін. Дружыннікі бяруць на сябе абавязкі своечасова прадухіліць Міжасобасныя канфлікты, камусьці нагадаць аб ўзаемаветлівасці і прыстойнасці, правілах чалавечага жыцця, спыніць тых, хто не беражэ або адкрыта псуе грамадскую маёмасць.

Гэта, безумоўна, накладае пэўныя абавязацельствы на саміх дружыннікаў, але, я лічу, гэта правільны і неабыякавы лад жыцця, які дазволіць зрабіць соцыум для нас саміх, нашых дзяцей і людзей старэйшага пакалення ўтульным і бяспечным, — упэўненая Алена Буш.

dubrovno.by